၂. သပ္ပါဏကသိက္ခာပဒဝဏ္ဏနာ
သပ္ပါဏကန္တိ ပါဏကာနံ မရဏဝသေန ပါစိတ္တိယံ၊ န သပ္ပါဏကဥဒကပရိဘောဂဝသေန ပါစိတ္တိယံ၊ တသ္မာ ဧဝ ‘‘ပဏ္ဏတ္တိဝဇ္ဇ’’န္တိ ဝုတ္တံ. အသုဒ္ဓစိတ္တတ္တာ ပါစိတ္တိယံ၊ သုဒ္ဓစိတ္တေ အနာပတ္တိ. ပဒီပုဇ္ဇလနေ ဝိယ ပဏ္ဏတ္တိဝဇ္ဇတာ ဝုတ္တာတိ လိခိတံ.
ဇလေ ပက္ခိပနံ ပုဗ္ဗံ၊ ဇလပ္ပဝေသနံ ဣဒံ၊
ဧဝံ ဥဘိန္နံ နာနာတ္တံ၊ ဉေယျံ ဉာဏဝတာ သဒါတိ. (ဝဇိရ. ဋီ. ပါစိတ္တိယ ၃၈၇)
သပ္ပါဏကသိက္ခာပဒဝဏ္ဏနာ နိဋ္ဌိတာ.