၃. ဟသဓမ္မသိက္ခာပဒဝဏ္ဏနာ
‘‘စိက္ခလ္လံ ဝါ’’တိ ဝစနတော သက္ခရမ္ပိ ခိပနကီဠာယ ကီဠတော ဒုက္ကဋမေဝ. ဥပရိဂေါပ္ဖကေ ပါစိတ္တိယံ၊ အညတ္ထ ဒုက္ကဋန္တိ ပါစိတ္တိယဝတ္ထုအတ္ထဝသေန ‘‘ဥဒကေ ဟသဓမ္မေ ပါစိတ္တိယ’’န္တိ ဝုတ္တံ.
ဣဒံ သညာဝိမောက္ခံ စေ၊ တိကပါစိတ္တိယံ ကထံ၊
ကီဠိတံဝ အကီဠာတိ၊ မိစ္ဆာဂါဟေန တံ သိယာ.
ဧတ္တာဝတာ ကထံ ကီဠာ၊ ဣတိ ကီဠာယံ ဧဝါယံ၊
အကီဠာသညီ ဟောတေတ္ထ၊ ဝိနယတ္ထံ သမာဒယေ.
ဧကန္တာကုသလော ယသ္မာ၊ ကီဠာယာဘိရတမနော၊
တသ္မာ အကုသလံ စိတ္တံ၊ ဧကမေဝေတ္ထ လဗ္ဘတီတိ. (ဝဇိရ. ဋီ. ပါစိတ္တိယ ၃၃၆)၊
ဟသဓမ္မသိက္ခာပဒဝဏ္ဏနာ နိဋ္ဌိတာ.