၃. ဒွေဘာဂသိက္ခာပဒဝဏ္ဏနာ

‘‘တုလယိတွာ’’တိ ဝစနတော ယထာ တုလာဓာရဏာယ ကာဠကာဓိကာ န ဟောန္တိ၊ တထာ ကာဠကာနံ ဒွေ ဘာဂါ ဂဟေတဗ္ဗာ ဥက္ကဋ္ဌပရိစ္ဆေဒေန. ‘‘ဧကဿာပိ ကာဠကလောမဿ အတိရေကဘာဝေ နိဿဂ္ဂိယန္တိ ဝစနံ တုလာဓာရဏာယ ကိဉ္စာပိ န သမေတိ၊ အစိတ္တကတ္တာ ပန သိက္ခာပဒဿ ပုဗ္ဗေ တုလာယ ဓာရယိတွာ ဌပိတေသု ဧကမ္ပိ လောမံ တတ္ထ ပတေယျ၊ နိဿဂ္ဂိယန္တိ အယမဓိပ္ပါယောတိ နော တက္ကော’’တိ အာစရိယော. ဝုတ္တပရိစ္ဆေဒေန အဂ္ဂဟဏံ အကိရိယာ၊ သန္ထတကရဏံ ကိရိယာ.

ဒွေဘာဂသိက္ခာပဒဝဏ္ဏနာ နိဋ္ဌိတာ.