၅. ကုလမစ္ဆရိနီသိက္ခာပဒဝဏ္ဏနာ

ကုလေ မစ္ဆရော ကုလမစ္ဆရောတိ ပုရိမသ္မိံ ပက္ခေ သကတ္ထေ ဣနီပစ္စယော၊ တံ ကုလံ အဿဒ္ဓံ အပ္ပသန္နန္တိ ကုလဿ အဂုဏံ၊ အယသံ ဝါ ဘာသန္တိယာတိ အတ္ထော. ဘိက္ခုနီနံ အဝဏ္ဏံ ဘာသန္တိယာတိ ‘‘ဘိက္ခုနိယော ဒုဿီလာ ပါပဓမ္မာ’’တိ (ပါစိ. အဋ္ဌ. ၁၀၄၃) ဘိက္ခုနီနံ အဂုဏံ၊ အယသံ ဝါ ဘာသန္တိယာ.

သန္တံယေဝ အာဒီနဝန္တိ ကုလဿ ဝါ ဘိက္ခုနီနံ ဝါ သန္တံယေဝ အဂုဏံ.

ကုလမစ္ဆရိနီသိက္ခာပဒဝဏ္ဏနာ နိဋ္ဌိတာ.