၄၁-၄၂. အနာဟဋသိက္ခာပဒဝဏ္ဏနာ

သကလံ ဟတ္ထန္တိ သကလာ အင်္ဂုလိယော. ဟတ္ထသဒ္ဒေါ စေတ္ထ တဒေကဒေသေသု အင်္ဂုလီသု ဒဋ္ဌဗ္ဗော ‘‘ဟတ္ထမုဒ္ဒါ’’တိအာဒီသု ဝိယ. ဧဝဉ္စ ကတွာ သဗ္ဗဂ္ဂဟဏံ သမတ္ထိတံ ဟောတိ. အညထာ သကလံ ဟတ္ထံ မုခေ ပဝေသေတုမသက္ကုဏေယျတ္တာ သဗ္ဗဂ္ဂဟဏမသမတ္ထိတမေဝ သိယာ. သမုဒါယေ ပဝတ္တဿ စ ဝေါဟာရဿ အဝယဝေပိ ပဝတ္တနတော ဧကင်္ဂုလိမ္ပိ တတော ဧကဒေသမ္ပိ မုခေ ပက္ခိပိတုံ န ဝဋ္ဋတိ.

အနာဟဋသိက္ခာပဒဝဏ္ဏနာ နိဋ္ဌိတာ.