၉. နဝကနိဒ္ဒေသဝဏ္ဏနာ

၉၆၀-၉၆၃. ဒသမဿာတိ အဋ္ဌာနဃာတဿ.

အဇ္ဈတ္တန္တိ ဂေါစရဇ္ဈတ္တံ အဓိပ္ပေတံ. ဧတဿ ဂါထာဝစနဿ. နိဋ္ဌပေတွာတိ အဘိနိဝိဿ.

၉၆၄. အညေသံ ဖဿာဒီနံ သင်္ခတဘာဝေ ယထာသကံပစ္စယေဟိ. ယေနာကာရေန မာနဿ သာတိသယာ ပဝတ္တိ၊ တံ ဒဿေတုံ ‘‘အဟန္တိ၊ အသ္မီတိ စာ’’တိ ဝုတ္တံ. အတ္တနောတိ ဒိဋ္ဌိဂတပရိကပ္ပိတဿ အတ္တနော. ယထာ မာနဿ သမ္ပဂ္ဂဟဝသေန၊ ဧဝံ တဏှာယ မမတ္တဝသေန၊ ဒိဋ္ဌိယာ နိစ္စာဒိဝသေန ပဝတ္တိ ဝိသေသဝတီ သမာနေပိ အနာဂတကာလာမသနေတိ အာဟ ‘‘ဘဝိဿန္တီ။ပေ။ ဝုတ္တော’’တိ. ‘‘အဟမသ္မီ’’တိ ပန ပဝတ္တမာနဿေဝ ဘဝတီတိ သဗ္ဗပဒသာဓာရဏဿ မာနဿေဝ ဝသေန ဣဉ္ဇိတာဒိတာ အဋ္ဌကထာယံ ဝုတ္တာ.

နဝကနိဒ္ဒေသဝဏ္ဏနာ နိဋ္ဌိတာ.