၆. ဆက္ကနိဒ္ဒေသဝဏ္ဏနာ

၈၀၅. ဝိသုဒ္ဓိဘာဝန္တိ ဝိသုဒ္ဓိယာ သဗ္ဘာဝံ. ‘‘ဒိဗ္ဗစက္ခုဉာဏေကဒေသတ္တာ’’တိ ဣဒံ တဿ ပရိဘဏ္ဍဉာဏတ္တာ ဝုတ္တံ. တထာ ဟိ ပါဠိယံ ‘‘သတ္တာနံ စုတူပပါတဉာဏာယ စိတ္တံ အဘိနီဟရတိ အဘိနိန္နာမေတီ’’တိ (ဒီ. နိ. ၁.၂၄၇) အာရဘိတွာ ‘‘သော ဒိဗ္ဗေန စက္ခုနာ ဝိသုဒ္ဓေနာ’’တိအာဒိ (ဒီ. နိ. ၁.၂၄၆) ဝုတ္တံ. ဒိဗ္ဗဿ တိရောဟိတဝိပ္ပကဋ္ဌာဒိဘေဒဿ၊ ဣတရဿ စ ရူပါယတနဿ ဒဿနသမတ္ထဿာပိ ဒိဗ္ဗစက္ခုဉာဏဿ သိခါပတ္တိ စဝမာနောပပဇ္ဇမာနသတ္တဒဿနန္တိ အာဟ ‘‘မုဒ္ဓပ္ပတ္တေန စာ’’တိအာဒိ.

ဆက္ကနိဒ္ဒေသဝဏ္ဏနာ နိဋ္ဌိတာ.