(၁.) ဥပ္ပါဒကကမ္မဝဏ္ဏနာ

၁၀၂၁. ခန္ဓာဒီနံ ဓာတုသမ္ဘဝါဒိဝသေန ပဘေဒံ ဝတွာ ယေ သတ္တာ ဓာတုပ္ပဘေဒဝန္တော၊ ယဉ္စ တေသံ ဥပ္ပါဒကကမ္မံ၊ ယော စ တဿ ဝိပါကော၊ တေသံ ဝသေန ပဘေဒံ ဒဿေတုံ ‘‘တယော ဒေဝါ’’တိအာဒိကော ဆဋ္ဌဝါရော အာရဒ္ဓေါ. ခန္ဓာဒယော ဧဝ ဟိ ဓာတုတ္တယဘူတဒေဝဝသေန ဒါနာဒိကမ္မဝသေန တံတံအာယုပ္ပမာဏပရိစ္ဆိန္နဥပါဒိန္နကက္ခန္ဓဝသေန စ ဘိန္နာတိ. စတုဒေါဏံ အမ္ဗဏံ၊ ဆဒေါဏန္တိ ဧကေ.

ဥပ္ပါဒကကမ္မဝဏ္ဏနာ နိဋ္ဌိတာ.