(၆.) ဆက္ကနိဒ္ဒေသဝဏ္ဏနာ

၈၀၅. ဝိသုဒ္ဓိဘာဝံ ဒဿေန္တော ‘‘ဒူရ။ပေ။ ရမ္မဏာယာ’’တိ အာဟ. သောတဓာတုဝိသုဒ္ဓီတိ စ စိတ္တစေတသိကာ ဓမ္မာ ဝုတ္တာတိ တတ္ထ ဉာဏံ သောတဓာတုဝိသုဒ္ဓိယာ ဉာဏံ. ‘‘စေတောပရိယဉာဏ’’န္တိ ဣဒမေဝ အတ္ထဝသေန ‘‘ပရစိတ္တေ ဉာဏ’’န္တိ ဥဒ္ဓဋန္တိ ဒဋ္ဌဗ္ဗံ. စုတူပပါတဉာဏဿ ဒိဗ္ဗစက္ခုဉာဏေကဒေသတ္တာ ‘‘ဝဏ္ဏဓာတုအာရမ္မဏာ’’တိ ဝုတ္တံ. မုဒ္ဓပ္ပတ္တေန စုတူပပါတဉာဏသင်္ခါတေန ဒိဗ္ဗစက္ခုဉာဏေန သဗ္ဗံ ဒိဗ္ဗစက္ခုဉာဏန္တိ ဝုတ္တန္တိ ဒဋ္ဌဗ္ဗံ.

ဆက္ကနိဒ္ဒေသဝဏ္ဏနာ နိဋ္ဌိတာ.