ပုဂ္ဂလဓမ္မဝါရော
၁. ဥပ္ပါဒနိရောဓကာလသမ္ဘေဒဝါရော
ယဿ ယံ စိတ္တံ ဥပ္ပဇ္ဇတိ န နိရုဇ္ဈတိ၊ တဿ တံ စိတ္တံ နိရုဇ္ဈိဿတိ န ဥပ္ပဇ္ဇိဿတိ. ယဿ ဝါ ပန ယံ စိတ္တံ နိရုဇ္ဈိဿတိ န ဥပ္ပဇ္ဇိဿတိ၊ တဿ တံ စိတ္တံ ဥပ္ပဇ္ဇတိ န နိရုဇ္ဈတိ.
ယဿ ယံ စိတ္တံ န ဥပ္ပဇ္ဇတိ နိရုဇ္ဈတိ၊ တဿ တံ စိတ္တံ န နိရုဇ္ဈိဿတိ ဥပ္ပဇ္ဇိဿတိ. ယဿ ဝါ ပန ယံ စိတ္တံ န နိရုဇ္ဈိဿတိ ဥပ္ပဇ္ဇိဿတိ၊ တဿ တံ စိတ္တံ န ဥပ္ပဇ္ဇတိ နိရုဇ္ဈတိ.
၂. ဥပ္ပါဒုပ္ပန္နဝါရော
ယဿ ယံ စိတ္တံ ဥပ္ပဇ္ဇတိ၊ တဿ တံ စိတ္တံ ဥပ္ပန္နံ. ယဿ ဝါ ပန ယံ စိတ္တံ ဥပ္ပန္နံ၊ တဿ တံ စိတ္တံ ဥပ္ပဇ္ဇတိ.
ယဿ ယံ စိတ္တံ န ဥပ္ပဇ္ဇတိ၊ တဿ တံ စိတ္တံ န ဥပ္ပန္နံ. ယဿ ဝါ ပန ယံ စိတ္တံ န ဥပ္ပန္နံ၊ တဿ တံ စိတ္တံ န ဥပ္ပဇ္ဇတိ.
၃. နိရောဓုပ္ပန္နဝါရော
ယဿ ယံ စိတ္တံ နိရုဇ္ဈတိ၊ တဿ တံ စိတ္တံ ဥပ္ပန္နံ. ယဿ ဝါ ပန ယံ စိတ္တံ ဥပ္ပန္နံ၊ တဿ တံ စိတ္တံ နိရုဇ္ဈတိ.
ယဿ ယံ စိတ္တံ န နိရုဇ္ဈတိ၊ တဿ တံ စိတ္တံ န ဥပ္ပန္နံ. ယဿ ဝါ ပန ယံ စိတ္တံ န ဥပ္ပန္နံ၊ တဿ တံ စိတ္တံ န နိရုဇ္ဈတိ.
၄. ဥပ္ပါဒဝါရော
ယဿ ယံ စိတ္တံ ဥပ္ပဇ္ဇတိ၊ တဿ တံ စိတ္တံ ဥပ္ပဇ္ဇိတ္ထ. ယဿ ဝါ ပန ယံ စိတ္တံ ဥပ္ပဇ္ဇိတ္ထ၊ တဿ တံ စိတ္တံ ဥပ္ပဇ္ဇတိ.
ယဿ ယံ စိတ္တံ န ဥပ္ပဇ္ဇတိ၊ တဿ တံ စိတ္တံ န ဥပ္ပဇ္ဇိတ္ထ. ယဿ ဝါ ပန ယံ စိတ္တံ န ဥပ္ပဇ္ဇိတ္ထ၊ တဿ တံ စိတ္တံ န ဥပ္ပဇ္ဇတိ.
ယဿ ယံ စိတ္တံ ဥပ္ပဇ္ဇတိ၊ တဿ တံ စိတ္တံ ဥပ္ပဇ္ဇိဿတိ. ယဿ ဝါ ပန ယံ စိတ္တံ ဥပ္ပဇ္ဇိဿတိ၊ တဿ တံ စိတ္တံ ဥပ္ပဇ္ဇတိ.
ယဿ ယံ စိတ္တံ န ဥပ္ပဇ္ဇတိ၊ တဿ တံ စိတ္တံ န ဥပ္ပဇ္ဇိဿတိ. ယဿ ဝါ ပန ယံ စိတ္တံ န ဥပ္ပဇ္ဇိဿတိ၊ တဿ တံ စိတ္တံ န ဥပ္ပဇ္ဇတိ.
ယဿ ယံ စိတ္တံ ဥပ္ပဇ္ဇိတ္ထ၊ တဿ တံ စိတ္တံ ဥပ္ပဇ္ဇိဿတိ. ယဿ ဝါ ပန ယံ စိတ္တံ ဥပ္ပဇ္ဇိဿတိ၊ တဿ တံ စိတ္တံ ဥပ္ပဇ္ဇိတ္ထ.
ယဿ ယံ စိတ္တံ န ဥပ္ပဇ္ဇိတ္ထ၊ တဿ တံ စိတ္တံ န ဥပ္ပဇ္ဇိဿတိ. ယဿ ဝါ ပန ယံ စိတ္တံ န ဥပ္ပဇ္ဇိဿတိ၊ တဿ တံ စိတ္တံ န ဥပ္ပဇ္ဇိတ္ထ.
၅. နိရောဓဝါရော
ယဿ ယံ စိတ္တံ နိရုဇ္ဈတိ၊ တဿ တံ စိတ္တံ နိရုဇ္ဈိတ္ထ. ယဿ ဝါ ပန ယံ စိတ္တံ နိရုဇ္ဈိတ္ထ၊ တဿ တံ စိတ္တံ နိရုဇ္ဈတိ.
ယဿ ယံ စိတ္တံ န နိရုဇ္ဈတိ၊ တဿ တံ စိတ္တံ န နိရုဇ္ဈိတ္ထ. ယဿ ဝါ ပန ယံ စိတ္တံ န နိရုဇ္ဈိတ္ထ၊ တဿ တံ စိတ္တံ န နိရုဇ္ဈတိ.
ယဿ ယံ စိတ္တံ နိရုဇ္ဈတိ၊ တဿ တံ စိတ္တံ နိရုဇ္ဈိဿတိ. ယဿ ဝါ ပန ယံ စိတ္တံ နိရုဇ္ဈိဿတိ၊ တဿ တံ စိတ္တံ နိရုဇ္ဈတိ.
ယဿ ယံ စိတ္တံ န နိရုဇ္ဈတိ၊ တဿ တံ စိတ္တံ န နိရုဇ္ဈိဿတိ. ယဿ ဝါ ပန ယံ စိတ္တံ န နိရုဇ္ဈိဿတိ၊ တဿ တံ စိတ္တံ န နိရုဇ္ဈတိ.
ယဿ ယံ စိတ္တံ နိရုဇ္ဈိတ္ထ၊ တဿ တံ စိတ္တံ နိရုဇ္ဈိဿတိ. ယဿ ဝါ ပန ယံ စိတ္တံ နိရုဇ္ဈိဿတိ၊ တဿ တံ စိတ္တံ နိရုဇ္ဈိတ္ထ.
ယဿ ယံ စိတ္တံ န နိရုဇ္ဈိတ္ထ၊ တဿ တံ စိတ္တံ န နိရုဇ္ဈိဿတိ. ယဿ ဝါ ပန ယံ စိတ္တံ န နိရုဇ္ဈိဿတိ၊ တဿ တံ စိတ္တံ န နိရုဇ္ဈိတ္ထ.
၆. ဥပ္ပါဒနိရောဓဝါရော
ယဿ ယံ စိတ္တံ ဥပ္ပဇ္ဇတိ၊ တဿ တံ စိတ္တံ နိရုဇ္ဈိတ္ထ. ယဿ ဝါ ပန ယံ စိတ္တံ နိရုဇ္ဈိတ္ထ၊ တဿ တံ စိတ္တံ ဥပ္ပဇ္ဇတိ.
ယဿ ယံ စိတ္တံ န ဥပ္ပဇ္ဇတိ၊ တဿ တံ စိတ္တံ န နိရုဇ္ဈိတ္ထ. ယဿ ဝါ ပန ယံ စိတ္တံ န နိရုဇ္ဈိတ္ထ၊ တဿ တံ စိတ္တံ န ဥပ္ပဇ္ဇတိ.
ယဿ ယံ စိတ္တံ ဥပ္ပဇ္ဇတိ၊ တဿ တံ စိတ္တံ နိရုဇ္ဈိဿတိ. ယဿ ဝါ ပန ယံ စိတ္တံ နိရုဇ္ဈိဿတိ၊ တဿ တံ စိတ္တံ ဥပ္ပဇ္ဇတိ.
ယဿ ယံ စိတ္တံ န ဥပ္ပဇ္ဇတိ၊ တဿ တံ စိတ္တံ န နိရုဇ္ဈိဿတိ. ယဿ ဝါ ပန ယံ စိတ္တံ န နိရုဇ္ဈိဿတိ၊ တဿ တံ စိတ္တံ န ဥပ္ပဇ္ဇတိ.
ယဿ ယံ စိတ္တံ ဥပ္ပဇ္ဇိတ္ထ၊ တဿ တံ စိတ္တံ နိရုဇ္ဈိဿတိ. ယဿ ဝါ ပန ယံ စိတ္တံ နိရုဇ္ဈိဿတိ၊ တဿ တံ စိတ္တံ ဥပ္ပဇ္ဇိတ္ထ.
ယဿ ယံ စိတ္တံ န ဥပ္ပဇ္ဇိတ္ထ၊ တဿ တံ စိတ္တံ န နိရုဇ္ဈိဿတိ. ယဿ ဝါ ပန ယံ စိတ္တံ န နိရုဇ္ဈိဿတိ၊ တဿ တံ စိတ္တံ န ဥပ္ပဇ္ဇိတ္ထ.
၇. ဥပ္ပဇ္ဇမာနနနိရောဓဝါရော
ယဿ ယံ စိတ္တံ ဥပ္ပဇ္ဇတိ၊ တဿ တံ စိတ္တံ န နိရုဇ္ဈတိ. ယဿ ဝါ ပန ယံ စိတ္တံ န နိရုဇ္ဈတိ၊ တဿ တံ စိတ္တံ ဥပ္ပဇ္ဇတိ.
ယဿ ယံ စိတ္တံ န ဥပ္ပဇ္ဇတိ၊ တဿ တံ စိတ္တံ နိရုဇ္ဈတိ. ယဿ ဝါ ပန ယံ စိတ္တံ နိရုဇ္ဈတိ၊ တဿ တံ စိတ္တံ န ဥပ္ပဇ္ဇတိ.
၈. ဥပ္ပဇ္ဇမာနုပ္ပန္နဝါရော
ယဿ ယံ စိတ္တံ ဥပ္ပဇ္ဇမာနံ၊ တဿ တံ စိတ္တံ ဥပ္ပန္နံ. ယဿ ဝါ ပန ယံ စိတ္တံ ဥပ္ပန္နံ၊ တဿ တံ စိတ္တံ ဥပ္ပဇ္ဇမာနံ.
ယဿ ယံ စိတ္တံ န ဥပ္ပဇ္ဇမာနံ၊ တဿ တံ စိတ္တံ န ဥပ္ပန္နံ. ယဿ ဝါ ပန ယံ စိတ္တံ န ဥပ္ပန္နံ၊ တဿ တံ စိတ္တံ န ဥပ္ပဇ္ဇမာနံ.
၉. နိရုဇ္ဈမာနုပ္ပန္နဝါရော
ယဿ ယံ စိတ္တံ နိရုဇ္ဈမာနံ၊ တဿ တံ စိတ္တံ ဥပ္ပန္နံ. ယဿ ဝါ ပန ယံ စိတ္တံ ဥပ္ပန္နံ၊ တဿ တံ စိတ္တံ နိရုဇ္ဈမာနံ.
ယဿ ယံ စိတ္တံ န နိရုဇ္ဈမာနံ၊ တဿ တံ စိတ္တံ န ဥပ္ပန္နံ. ယဿ ဝါ ပန ယံ စိတ္တံ န ဥပ္ပန္နံ၊ တဿ တံ စိတ္တံ န နိရုဇ္ဈမာနံ.
၁၀. ဥပ္ပန္နုပ္ပါဒဝါရော
ယဿ ယံ စိတ္တံ ဥပ္ပန္နံ၊ တဿ တံ စိတ္တံ ဥပ္ပဇ္ဇိတ္ထ. ယဿ ဝါ ပန ယံ စိတ္တံ ဥပ္ပဇ္ဇိတ္ထ၊ တဿ တံ စိတ္တံ ဥပ္ပန္နံ.
ယဿ ယံ စိတ္တံ န ဥပ္ပန္နံ၊ တဿ တံ စိတ္တံ န ဥပ္ပဇ္ဇိတ္ထ. ယဿ ဝါ ပန ယံ စိတ္တံ န ဥပ္ပဇ္ဇိတ္ထ၊ တဿ တံ စိတ္တံ န ဥပ္ပန္နံ.
ယဿ ယံ စိတ္တံ ဥပ္ပန္နံ၊ တဿ တံ စိတ္တံ ဥပ္ပဇ္ဇိဿတိ. ယဿ ဝါ ပန ယံ စိတ္တံ ဥပ္ပဇ္ဇိဿတိ၊ တဿ တံ စိတ္တံ ဥပ္ပန္နံ.
ယဿ ယံ စိတ္တံ န ဥပ္ပန္နံ၊ တဿ တံ စိတ္တံ န ဥပ္ပဇ္ဇိဿတိ၊ ယဿ ဝါ ပန ယံ စိတ္တံ န ဥပ္ပဇ္ဇိဿတိ၊ တဿ တံ စိတ္တံ န ဥပ္ပန္နံ.
၁၁. အတီတာနာဂတဝါရော
ယဿ ယံ စိတ္တံ ဥပ္ပဇ္ဇိတ္ထ၊ နော စ တဿ တံ စိတ္တံ ဥပ္ပန္နံ၊ တဿ တံ စိတ္တံ ဥပ္ပဇ္ဇိဿတိ. ယဿ ဝါ ပန ယံ စိတ္တံ ဥပ္ပဇ္ဇိဿတိ၊ နော စ တဿ တံ စိတ္တံ ဥပ္ပန္နံ၊ တဿ တံ စိတ္တံ ဥပ္ပဇ္ဇိတ္ထ.
ယဿ ယံ စိတ္တံ န ဥပ္ပဇ္ဇိတ္ထ၊ နော စ တဿ တံ စိတ္တံ န ဥပ္ပန္နံ၊ တဿ တံ စိတ္တံ န ဥပ္ပဇ္ဇိဿတိ. ယဿ ဝါ ပန ယံ စိတ္တံ န ဥပ္ပဇ္ဇိဿတိ၊ နော စ တဿ တံ စိတ္တံ န ဥပ္ပန္နံ၊ တဿ တံ စိတ္တံ န ဥပ္ပဇ္ဇိတ္ထ.
၁၂. ဥပ္ပန္နုပ္ပဇ္ဇမာနဝါရော
ဥပ္ပန္နံ ဥပ္ပဇ္ဇမာနံ၊ ဥပ္ပဇ္ဇမာနံ ဥပ္ပန္နံ.
န ဥပ္ပန္နံ န ဥပ္ပဇ္ဇမာနံ၊ န ဥပ္ပဇ္ဇမာနံ န ဥပ္ပန္နံ.
၁၃. နိရုဒ္ဓနိရုဇ္ဈမာနဝါရော
နိရုဒ္ဓံ နိရုဇ္ဈမာနံ၊ နိရုဇ္ဈမာနံ နိရုဒ္ဓံ.
န နိရုဒ္ဓံ န နိရုဇ္ဈမာနံ၊ န နိရုဇ္ဈမာနံ န နိရုဒ္ဓံ.
၁၄. အတိက္ကန္တကာလဝါရော
ယဿ ယံ စိတ္တံ ဥပ္ပဇ္ဇမာနံ ခဏံ ခဏံ ဝီတိက္ကန္တံ အတိက္ကန္တကာလံ၊ နိရုဇ္ဈမာနံ ခဏံ ခဏံ ဝီတိက္ကန္တံ အတိက္ကန္တကာလံ တဿ တံ စိတ္တံ. ယဿ ဝါ ပန ယံ စိတ္တံ နိရုဇ္ဈမာနံ ခဏံ ခဏံ ဝီတိက္ကန္တံ အတိက္ကန္တကာလံ၊ ဥပ္ပဇ္ဇမာနံ ခဏံ ခဏံ ဝီတိက္ကန္တံ အတိက္ကန္တကာလံ တဿ တံ စိတ္တံ.
ယဿ ယံ စိတ္တံ န ဥပ္ပဇ္ဇမာနံ ခဏံ ခဏံ ဝီတိက္ကန္တံ အတိက္ကန္တကာလံ၊ န နိရုဇ္ဈမာနံ ခဏံ ခဏံ ဝီတိက္ကန္တံ အတိက္ကန္တကာလံ တဿ တံ စိတ္တံ. ယဿ ဝါ ပန ယံ စိတ္တံ န နိရုဇ္ဈမာနံ ခဏံ ခဏံ ဝီတိက္ကန္တံ အတိက္ကန္တကာလံ၊ န ဥပ္ပဇ္ဇမာနံ ခဏံ ခဏံ ဝီတိက္ကန္တံ အတိက္ကန္တကာလံ တဿ တံ စိတ္တံ.
သုတ္တန္တစိတ္တမိဿကဝိသေသော
ယဿ သရာဂံ စိတ္တံ ဥပ္ပဇ္ဇတိ။ပေ။ ယဿ ဝီတရာဂံ စိတ္တံ ဥပ္ပဇ္ဇတိ. ယဿ သဒေါသံ စိတ္တံ ဥပ္ပဇ္ဇတိ. ယဿ ဝီတဒေါသံ စိတ္တံ ဥပ္ပဇ္ဇတိ. ယဿ သမောဟံ စိတ္တံ ဥပ္ပဇ္ဇတိ. ယဿ ဝီတမောဟံ စိတ္တံ ဥပ္ပဇ္ဇတိ. ယဿ သံခိတ္တံ စိတ္တံ ဥပ္ပဇ္ဇတိ. ယဿ ဝိက္ခိတ္တံ စိတ္တံ ဥပ္ပဇ္ဇတိ. ယဿ မဟဂ္ဂတံ စိတ္တံ ဥပ္ပဇ္ဇတိ. ယဿ အမဟဂ္ဂတံ စိတ္တံ ဥပ္ပဇ္ဇတိ. ယဿ သဥတ္တရံ စိတ္တံ ဥပ္ပဇ္ဇတိ. ယဿ အနုတ္တရံ စိတ္တံ ဥပ္ပဇ္ဇတိ. ယဿ သမာဟိတံ စိတ္တံ ဥပ္ပဇ္ဇတိ. ယဿ အသမာဟိတံ စိတ္တံ ဥပ္ပဇ္ဇတိ. ယဿ ဝိမုတ္တံ စိတ္တံ ဥပ္ပဇ္ဇတိ. ယဿ အဝိမုတ္တံ စိတ္တံ ဥပ္ပဇ္ဇတိ.
အဘိဓမ္မစိတ္တမိဿကဝိသေသော
ယဿ ကုသလံ စိတ္တံ ဥပ္ပဇ္ဇတိ။ပေ။ ယဿ အကုသလံ စိတ္တံ ဥပ္ပဇ္ဇတိ. ယဿ အဗျာကတံ စိတ္တံ ဥပ္ပဇ္ဇတိ. ယဿ သုခါယ ဝေဒနာယ သမ္ပယုတ္တံ စိတ္တံ ဥပ္ပဇ္ဇတိ.
(ဧတေန ဥပါယေန ယာဝ သရဏအရဏာ ဥဒ္ဓရိတဗ္ဗာ.)
ယဿ အရဏံ စိတ္တံ ဥပ္ပဇ္ဇတိ န နိရုဇ္ဈတိ၊ တဿ အရဏံ စိတ္တံ နိရုဇ္ဈိဿတိ န ဥပ္ပဇ္ဇိဿတိ. ယဿ ဝါ ပန အရဏံ စိတ္တံ နိရုဇ္ဈိဿတိ န ဥပ္ပဇ္ဇိဿတိ၊ တဿ အရဏံ စိတ္တံ ဥပ္ပဇ္ဇတိ န နိရုဇ္ဈတိ.
စိတ္တယမကမာတိကာ နိဋ္ဌိတာ.