ပုဂ္ဂလဝါရော
၁. ဥပ္ပါဒနိရောဓကာလသမ္ဘေဒဝါရော
ယဿ စိတ္တံ ဥပ္ပဇ္ဇတိ န နိရုဇ္ဈတိ (ယမ. ၂.စိတ္တယမက.၁ အာဒယော)၊ တဿ စိတ္တံ နိရုဇ္ဈိဿတိ န ဥပ္ပဇ္ဇိဿတိ. ယဿ ဝါ ပန စိတ္တံ နိရုဇ္ဈိဿတိ န ဥပ္ပဇ္ဇိဿတိ၊ တဿ စိတ္တံ ဥပ္ပဇ္ဇတိ န နိရုဇ္ဈတိ.
ယဿ စိတ္တံ န ဥပ္ပဇ္ဇတိ နိရုဇ္ဈတိ၊ တဿ စိတ္တံ န နိရုဇ္ဈိဿတိ ဥပ္ပဇ္ဇိဿတိ. ယဿ ဝါ ပန စိတ္တံ န နိရုဇ္ဈိဿတိ ဥပ္ပဇ္ဇိဿတိ၊ တဿ စိတ္တံ န ဥပ္ပဇ္ဇတိ နိရုဇ္ဈတိ.
၂. ဥပ္ပါဒုပ္ပန္နဝါရော
ယဿ စိတ္တံ ဥပ္ပဇ္ဇတိ၊ တဿ စိတ္တံ ဥပ္ပန္နံ. ယဿ ဝါ ပန စိတ္တံ ဥပ္ပန္နံ၊ တဿ စိတ္တံ ဥပ္ပဇ္ဇတိ.
ယဿ စိတ္တံ န ဥပ္ပဇ္ဇတိ၊ တဿ စိတ္တံ န ဥပ္ပန္နံ. ယဿ ဝါ ပန စိတ္တံ န ဥပ္ပန္နံ၊ တဿ စိတ္တံ န ဥပ္ပဇ္ဇတိ.
၃. နိရောဓုပ္ပန္နဝါရော
ယဿ စိတ္တံ နိရုဇ္ဈတိ၊ တဿ စိတ္တံ ဥပ္ပန္နံ. ယဿ ဝါ ပန စိတ္တံ ဥပ္ပန္နံ၊ တဿ စိတ္တံ နိရုဇ္ဈတိ.
ယဿ စိတ္တံ န နိရုဇ္ဈတိ၊ တဿ စိတ္တံ န ဥပ္ပန္နံ. ယဿ ဝါ ပန စိတ္တံ န ဥပ္ပန္နံ၊ တဿ စိတ္တံ န နိရုဇ္ဈတိ.
၄. ဥပ္ပါဒဝါရော
ယဿ စိတ္တံ ဥပ္ပဇ္ဇတိ၊ တဿ စိတ္တံ ဥပ္ပဇ္ဇိတ္ထ. ယဿ ဝါ ပန စိတ္တံ ဥပ္ပဇ္ဇိတ္ထ၊ တဿ စိတ္တံ ဥပ္ပဇ္ဇတိ.
ယဿ စိတ္တံ န ဥပ္ပဇ္ဇတိ၊ တဿ စိတ္တံ န ဥပ္ပဇ္ဇိတ္ထ. ယဿ ဝါ ပန စိတ္တံ န ဥပ္ပဇ္ဇိတ္ထ၊ တဿ စိတ္တံ န ဥပ္ပဇ္ဇတိ.
ယဿ စိတ္တံ ဥပ္ပဇ္ဇတိ၊ တဿ စိတ္တံ ဥပ္ပဇ္ဇိဿတိ. ယဿ ဝါ ပန စိတ္တံ ဥပ္ပဇ္ဇိဿတိ၊ တဿ စိတ္တံ ဥပ္ပဇ္ဇတိ.
ယဿ စိတ္တံ န ဥပ္ပဇ္ဇတိ၊ တဿ စိတ္တံ န ဥပ္ပဇ္ဇိဿတိ. ယဿ ဝါ ပန စိတ္တံ န ဥပ္ပဇ္ဇိဿတိ၊ တဿ စိတ္တံ န ဥပ္ပဇ္ဇတိ.
ယဿ စိတ္တံ ဥပ္ပဇ္ဇိတ္ထ၊ တဿ စိတ္တံ ဥပ္ပဇ္ဇိဿတိ. ယဿ ဝါ ပန စိတ္တံ ဥပ္ပဇ္ဇိဿတိ၊ တဿ စိတ္တံ ဥပ္ပဇ္ဇိတ္ထ.
ယဿ စိတ္တံ န ဥပ္ပဇ္ဇိတ္ထ၊ တဿ စိတ္တံ န ဥပ္ပဇ္ဇိဿတိ. ယဿ ဝါ ပန စိတ္တံ န ဥပ္ပဇ္ဇိဿတိ၊ တဿ စိတ္တံ န ဥပ္ပဇ္ဇိတ္ထ.
၅. နိရောဓဝါရော
ယဿ စိတ္တံ နိရုဇ္ဈတိ၊ တဿ စိတ္တံ နိရုဇ္ဈိတ္ထ. ယဿ ဝါ ပန စိတ္တံ နိရုဇ္ဈိတ္ထ၊ တဿ စိတ္တံ နိရုဇ္ဈတိ.
ယဿ စိတ္တံ န နိရုဇ္ဈတိ၊ တဿ စိတ္တံ န နိရုဇ္ဈိတ္ထ. ယဿ ဝါ ပန စိတ္တံ န နိရုဇ္ဈိတ္ထ၊ တဿ စိတ္တံ န နိရုဇ္ဈတိ.
ယဿ စိတ္တံ နိရုဇ္ဈတိ၊ တဿ စိတ္တံ နိရုဇ္ဈိဿတိ. ယဿ ဝါ ပန စိတ္တံ နိရုဇ္ဈိဿတိ၊ တဿ စိတ္တံ နိရုဇ္ဈတိ.
ယဿ စိတ္တံ န နိရုဇ္ဈတိ၊ တဿ စိတ္တံ န နိရုဇ္ဈိဿတိ. ယဿ ဝါ ပန စိတ္တံ န နိရုဇ္ဈိဿတိ၊ တဿ စိတ္တံ န နိရုဇ္ဈတိ.
ယဿ စိတ္တံ နိရုဇ္ဈိတ္ထ၊ တဿ စိတ္တံ နိရုဇ္ဈိဿတိ. ယဿ ဝါ ပန စိတ္တံ နိရုဇ္ဈိဿတိ၊ တဿ စိတ္တံ နိရုဇ္ဈိတ္ထ.
ယဿ စိတ္တံ န နိရုဇ္ဈိတ္ထ၊ တဿ စိတ္တံ န နိရုဇ္ဈိဿတိ. ယဿ ဝါ ပန စိတ္တံ န နိရုဇ္ဈိဿတိ၊ တဿ စိတ္တံ န နိရုဇ္ဈိတ္ထ.
၆. ဥပ္ပါဒနိရောဓဝါရော
ယဿ စိတ္တံ ဥပ္ပဇ္ဇတိ၊ တဿ စိတ္တံ နိရုဇ္ဈိတ္ထ. ယဿ ဝါ ပန စိတ္တံ နိရုဇ္ဈိတ္ထ၊ တဿ စိတ္တံ ဥပ္ပဇ္ဇတိ.
ယဿ စိတ္တံ န ဥပ္ပဇ္ဇတိ၊ တဿ စိတ္တံ န နိရုဇ္ဈိတ္ထ. ယဿ ဝါ ပန စိတ္တံ န နိရုဇ္ဈိတ္ထ၊ တဿ စိတ္တံ န ဥပ္ပဇ္ဇတိ.
ယဿ စိတ္တံ ဥပ္ပဇ္ဇတိ၊ တဿ စိတ္တံ နိရုဇ္ဈိဿတိ. ယဿ ဝါ ပန စိတ္တံ နိရုဇ္ဈိဿတိ၊ တဿ စိတ္တံ ဥပ္ပဇ္ဇတိ.
ယဿ စိတ္တံ န ဥပ္ပဇ္ဇတိ၊ တဿ စိတ္တံ န နိရုဇ္ဈိဿတိ. ယဿ ဝါ ပန စိတ္တံ န နိရုဇ္ဈိဿတိ၊ တဿ စိတ္တံ န ဥပ္ပဇ္ဇတိ.
ယဿ စိတ္တံ ဥပ္ပဇ္ဇိတ္ထ၊ တဿ စိတ္တံ နိရုဇ္ဈိဿတိ. ယဿ ဝါ ပန စိတ္တံ နိရုဇ္ဈိဿတိ၊ တဿ စိတ္တံ ဥပ္ပဇ္ဇိတ္ထ.
ယဿ စိတ္တံ န ဥပ္ပဇ္ဇိတ္ထ၊ တဿ စိတ္တံ န နိရုဇ္ဈိဿတိ. ယဿ ဝါ ပန စိတ္တံ န နိရုဇ္ဈိဿတိ၊ တဿ စိတ္တံ န ဥပ္ပဇ္ဇိတ္ထ.
၇. ဥပ္ပဇ္ဇမာနနနိရောဓဝါရော
ယဿ စိတ္တံ ဥပ္ပဇ္ဇတိ၊ တဿ စိတ္တံ န နိရုဇ္ဈတိ. ယဿ ဝါ ပန စိတ္တံ န နိရုဇ္ဈတိ၊ တဿ စိတ္တံ ဥပ္ပဇ္ဇတိ.
ယဿ စိတ္တံ န ဥပ္ပဇ္ဇတိ၊ တဿ စိတ္တံ နိရုဇ္ဈတိ. ယဿ ဝါ ပန စိတ္တံ နိရုဇ္ဈတိ၊ တဿ စိတ္တံ န ဥပ္ပဇ္ဇတိ.
၈. ဥပ္ပဇ္ဇမာနုပ္ပန္နဝါရော
ယဿ စိတ္တံ ဥပ္ပဇ္ဇမာနံ၊ တဿ စိတ္တံ ဥပ္ပန္နံ. ယဿ ဝါ ပန စိတ္တံ ဥပ္ပန္နံ၊ တဿ စိတ္တံ ဥပ္ပဇ္ဇမာနံ.
ယဿ စိတ္တံ န ဥပ္ပဇ္ဇမာနံ၊ တဿ စိတ္တံ န ဥပ္ပန္နံ. ယဿ ဝါ ပန စိတ္တံ န ဥပ္ပန္နံ၊ တဿ စိတ္တံ န ဥပ္ပဇ္ဇမာနံ.
၉. နိရုဇ္ဈမာနုပ္ပန္နဝါရော
ယဿ စိတ္တံ နိရုဇ္ဈမာနံ၊ တဿ စိတ္တံ ဥပ္ပန္နံ. ယဿ ဝါ ပန စိတ္တံ ဥပ္ပန္နံ၊ တဿ စိတ္တံ နိရုဇ္ဈမာနံ.
ယဿ စိတ္တံ န နိရုဇ္ဈမာနံ၊ တဿ စိတ္တံ န ဥပ္ပန္နံ. ယဿ ဝါ ပန စိတ္တံ န ဥပ္ပန္နံ၊ တဿ စိတ္တံ န နိရုဇ္ဈမာနံ.
၁၀. ဥပ္ပန္နုပ္ပါဒဝါရော
ယဿ စိတ္တံ ဥပ္ပန္နံ၊ တဿ စိတ္တံ ဥပ္ပဇ္ဇိတ္ထ. ယဿ ဝါ ပန စိတ္တံ ဥပ္ပဇ္ဇိတ္ထ၊ တဿ စိတ္တံ ဥပ္ပန္နံ.
ယဿ စိတ္တံ န ဥပ္ပန္နံ၊ တဿ စိတ္တံ န ဥပ္ပဇ္ဇိတ္ထ. ယဿ ဝါ ပန စိတ္တံ န ဥပ္ပဇ္ဇိတ္ထ၊ တဿ စိတ္တံ န ဥပ္ပန္နံ.
ယဿ စိတ္တံ ဥပ္ပန္နံ၊ တဿ စိတ္တံ ဥပ္ပဇ္ဇိဿတိ. ယဿ ဝါ ပန စိတ္တံ ဥပ္ပဇ္ဇိဿတိ၊ တဿ စိတ္တံ ဥပ္ပန္နံ.
ယဿ စိတ္တံ န ဥပ္ပန္နံ၊ တဿ စိတ္တံ န ဥပ္ပဇ္ဇိဿတိ. ယဿ ဝါ ပန စိတ္တံ န ဥပ္ပဇ္ဇိဿတိ၊ တဿ စိတ္တံ န ဥပ္ပန္နံ.
၁၁. အတီတာနာဂတဝါရော
ယဿ စိတ္တံ ဥပ္ပဇ္ဇိတ္ထ၊ နော စ တဿ စိတ္တံ ဥပ္ပန္နံ၊ တဿ စိတ္တံ ဥပ္ပဇ္ဇိဿတိ. ယဿ ဝါ ပန စိတ္တံ ဥပ္ပဇ္ဇိဿတိ၊ နော စ တဿ စိတ္တံ ဥပ္ပန္နံ၊ တဿ စိတ္တံ ဥပ္ပဇ္ဇိတ္ထ.
ယဿ စိတ္တံ န ဥပ္ပဇ္ဇိတ္ထ၊ နော စ တဿ စိတ္တံ န ဥပ္ပန္နံ၊ တဿ စိတ္တံ န ဥပ္ပဇ္ဇိဿတိ. ယဿ ဝါ ပန စိတ္တံ န ဥပ္ပဇ္ဇိဿတိ၊ နော စ တဿ စိတ္တံ န ဥပ္ပန္နံ၊ တဿ စိတ္တံ န ဥပ္ပဇ္ဇိတ္ထ.
၁၂. ဥပ္ပန္နုပ္ပဇ္ဇမာနဝါရော
ဥပ္ပန္နံ ဥပ္ပဇ္ဇမာနံ၊ ဥပ္ပဇ္ဇမာနံ ဥပ္ပန္နံ.
န ဥပ္ပန္နံ န ဥပ္ပဇ္ဇမာနံ၊ န ဥပ္ပဇ္ဇမာနံ န ဥပ္ပန္နံ.
၁၃. နိရုဒ္ဓနိရုဇ္ဈမာနဝါရော
နိရုဒ္ဓံ နိရုဇ္ဈမာနံ၊ နိရုဇ္ဈမာနံ နိရုဒ္ဓံ.
န နိရုဒ္ဓံ န နိရုဇ္ဈမာနံ၊ န နိရုဇ္ဈမာနံ န နိရုဒ္ဓံ.
၁၄. အတိက္ကန္တကာလဝါရော
ယဿ စိတ္တံ ဥပ္ပဇ္ဇမာနံ ခဏံ ခဏံ ဝီတိက္ကန္တံ အတိက္ကန္တကာလံ၊ နိရုဇ္ဈမာနံ ခဏံ ခဏံ ဝီတိက္ကန္တံ အတိက္ကန္တကာလံ တဿ စိတ္တံ. ယဿ ဝါ ပန စိတ္တံ နိရုဇ္ဈမာနံ ခဏံ ခဏံ ဝီတိက္ကန္တံ အတိက္ကန္တကာလံ၊ ဥပ္ပဇ္ဇမာနံ ခဏံ ခဏံ ဝီတိက္ကန္တံ အတိက္ကန္တကာလံ တဿ စိတ္တံ.
ယဿ စိတ္တံ န ဥပ္ပဇ္ဇမာနံ ခဏံ ခဏံ ဝီတိက္ကန္တံ အတိက္ကန္တကာလံ၊ န နိရုဇ္ဈမာနံ ခဏံ ခဏံ ဝီတိက္ကန္တံ အတိက္ကန္တကာလံ တဿ စိတ္တံ. ယဿ ဝါ ပန စိတ္တံ န နိရုဇ္ဈမာနံ ခဏံ ခဏံ ဝီတိက္ကန္တံ အတိက္ကန္တကာလံ၊ န ဥပ္ပဇ္ဇမာနံ ခဏံ ခဏံ ဝီတိက္ကန္တံ အတိက္ကန္တကာလံ တဿ စိတ္တံ.