၆. သညာသုတ္တံ

၁၉၃. သာဝတ္ထိယံ ဝိဟရတိ။ပေ။ ‘‘တံ ကိံ မညသိ၊ ရာဟုလ၊ ရူပသညာ နိစ္စာ ဝါ အနိစ္စာ ဝါ’’တိ? ‘‘အနိစ္စာ၊ ဘန္တေ’’။ပေ။ ‘‘သဒ္ဒသညာ။ပေ။ ဂန္ဓသညာ။ ရသသညာ။ ဖောဋ္ဌဗ္ဗသညာ။ ဓမ္မသညာ နိစ္စာ ဝါ အနိစ္စာ ဝါ’’တိ? ‘‘အနိစ္စာ၊ ဘန္တေ’’။ပေ။ ‘‘ဧဝံ ပဿံ၊ ရာဟုလ၊ သုတဝါ အရိယသာဝကော ရူပသညာယပိ နိဗ္ဗိန္ဒတိ။ပေ။ သဒ္ဒသညာယပိ နိဗ္ဗိန္ဒတိ။ ဂန္ဓသညာယပိ နိဗ္ဗိန္ဒတိ။ ရသသညာယပိ နိဗ္ဗိန္ဒတိ။ ဖောဋ္ဌဗ္ဗသညာယပိ နိဗ္ဗိန္ဒတိ။ ဓမ္မသညာယပိ နိဗ္ဗိန္ဒတိ။ပေ။ ပဇာနာတီ’’တိ. ဆဋ္ဌံ.