၆. အဋ္ဌင်္ဂိကသုတ္တံ
၁၁၂. သာဝတ္ထိယံ ဝိဟရတိ။ပေ။ ‘‘ဓာတုသောဝ၊ ဘိက္ခဝေ၊ သတ္တာ သံသန္ဒန္တိ သမေန္တိ. မိစ္ဆာဒိဋ္ဌိကာ မိစ္ဆာဒိဋ္ဌိကေဟိ သဒ္ဓိံ သံသန္ဒန္တိ သမေန္တိ၊ မိစ္ဆာသင်္ကပ္ပါ။ပေ။ မိစ္ဆာဝါစာ။ မိစ္ဆာကမ္မန္တာ။ မိစ္ဆာအာဇီဝါ။ မိစ္ဆာဝါယာမာ။ မိစ္ဆာသတိနော ။ မိစ္ဆာသမာဓိနော မိစ္ဆာသမာဓီဟိ သဒ္ဓိံ သံသန္ဒန္တိ သမေန္တိ. သမ္မာဒိဋ္ဌိကာ သမ္မာဒိဋ္ဌိကေဟိ သဒ္ဓိံ သံသန္ဒန္တိ သမေန္တိ၊ သမ္မာသင်္ကပ္ပါ။ပေ။ သမ္မာဝါစာ။ သမ္မာကမ္မန္တာ။ သမ္မာအာဇီဝါ။ သမ္မာဝါယာမာ။ သမ္မာသတိနော။ သမ္မာသမာဓိနော သမ္မာသမာဓီဟိ သဒ္ဓိံ သံသန္ဒန္တိ သမေန္တီ’’တိ. ဆဋ္ဌံ.