၃. မဏ္ဍပဒါယိကာထေရီအပဒါနံ

၂၆. ‘‘ကောဏာဂမနဗုဒ္ဓဿ၊ မဏ္ဍပေါ ကာရိတော မယာ၊

ဓုဝံ တိစီဝရံဒါသိံ [ထူပဉ္စ ပဝရမဒံ (သျာ.)၊ ဓုဝဉ္စ စီဝရံ အဒံ (ပီ.)]၊ ဗုဒ္ဓဿ လောကဗန္ဓုနော.

၂၇. ‘‘ယံ ယံ ဇနပဒံ ယာမိ၊ နိဂမေ ရာဇဓာနိယော၊

သဗ္ဗတ္ထ ပူဇိတော ဟောမိ၊ ပုညကမ္မဿိဒံ ဖလံ.

၂၈. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝါ.

၂၉. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၃၀. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ မဏ္ဍပဒါယိကာ ဘိက္ခုနီ ဣမာ ဂါထာယော အဘာသိတ္ထာတိ.

မဏ္ဍပဒါယိကာထေရိယာပဒါနံ တတိယံ.