၉. ဝိဇိတသေနတ္ထေရဂါထာ

၃၅၅. ‘‘ဩလဂ္ဂေဿာမိ တေ စိတ္တ၊ အာဏိဒွါရေဝ ဟတ္ထိနံ၊

န တံ ပါပေ နိယောဇေဿံ၊ ကာမဇာလ [ကာမဇာလံ (သျာ.)] သရီရဇ [သရီရဇံ (သျာ. က.)].

၃၅၆. ‘‘တွံ ဩလဂ္ဂေါ န ဂစ္ဆသိ [န ဂဉ္ဆိသိ (ပီ)]၊ ဒွါရဝိဝရံ ဂဇောဝ အလဘန္တော၊

န စ စိတ္တကလိ ပုနပ္ပုနံ၊ ပသက္က [ပသဟံ (သီ. သျာ. ပီ.)] ပါပရတော စရိဿသိ.

၃၅၇. ‘‘ယထာ ကုဉ္ဇရံ အဒန္တံ၊ နဝဂ္ဂဟမင်္ကုသဂ္ဂဟော၊

ဗလဝါ အာဝတ္တေတိ အကာမံ၊ ဧဝံ အာဝတ္တယိဿံ တံ.

၃၅၈. ‘‘ယထာ ဝရဟယဒမကုသလော၊ သာရထိ ပဝရော ဒမေတိ အာဇညံ၊

ဧဝံ ဒမယိဿံ တံ၊ ပတိဋ္ဌိတော ပဉ္စသု ဗလေသု.

၃၅၉. ‘‘သတိယာ တံ နိဗန္ဓိဿံ၊ ပယုတ္တော တေ ဒမေဿာမိ [ပယတတ္တော ဝေါဒပေဿာမိ (သီ.)]၊

ဝီရိယဓုရနိဂ္ဂဟိတော၊ န ယိတော ဒူရံ ဂမိဿသေ စိတ္တာ’’တိ.

။ ဝိဇိတသေနော ထေရော။.