၁၀. ကပ္ပဋကုရတ္ထေရဂါထာ

၁၉၉. ‘‘အယမိတိ ကပ္ပဋော ကပ္ပဋကုရော၊ အစ္ဆာယ အတိဘရိတာယ [အတိဘရိယာယ (သီ. က.)၊ အစ္စံ ဘရာယ (သျာ.)]၊

အမတဃဋိကာယံ ဓမ္မကဋမတ္တော [ဓမ္မကဋပတ္တော (သျာ. က. အဋ္ဌ.)၊ ဓမ္မကဋမဂ္ဂေါ (သီ. အဋ္ဌ.)]၊ ကတပဒံ ဈာနာနိ ဩစေတုံ.

၂၀၀. ‘‘မာ ခေါ တွံ ကပ္ပဋ ပစာလေသိ၊ မာ တွံ ဥပကဏ္ဏမှိ တာဠေဿံ၊

န ဟိ [န ဝါ (က.)] တွံ ကပ္ပဋ မတ္တမညာသိ၊ သံဃမဇ္ဈမှိ ပစလာယမာနောတိ.

။ ကပ္ပဋကုရော ထေရော။.

ဝဂ္ဂေါ စတုတ္ထော နိဋ္ဌိတော.

တဿုဒ္ဒါနံ –

မိဂသိရော သိဝကော စ၊ ဥပဝါနော စ ပဏ္ဍိတော၊

ဣသိဒိန္နော စ ကစ္စာနော၊ နိတကော စ မဟာဝသီ၊

ပေါဋိရိယပုတ္တော နိသဘော၊ ဥသဘော ကပ္ပဋကုရောတိ.