၄၂. ပရိယောဂါဟဏဉာဏနိဒ္ဒေသော

၉၃. ကထံ ဖုဋ္ဌတ္တာ ပညာ ပရိယောဂါဟဏေ ဉာဏံ? ရူပံ အနိစ္စတော ဖုသတိ၊ ရူပံ ဒုက္ခတော ဖုသတိ၊ ရူပံ အနတ္တတော ဖုသတိ. ယံ ယံ ဖုသတိ တံ တံ ပရိယောဂါဟတီတိ – ဖုဋ္ဌတ္တာ ပညာ ပရိယောဂါဟဏေ ဉာဏံ. ဝေဒနံ။ပေ။ သညံ။ သင်္ခါရေ။ ဝိညာဏံ။ စက္ခုံ။ပေ။ ဇရာမရဏံ အနိစ္စတော ဖုသတိ၊ ဒုက္ခတော ဖုသတိ၊ အနတ္တတော ဖုသတိ. ယံ ယံ ဖုသတိ တံ တံ ပရိယောဂါဟတီတိ – ဖုဋ္ဌတ္တာ ပညာ ပရိယောဂါဟဏေ ဉာဏံ. တံ ဉာတဋ္ဌေန ဉာဏံ၊ ပဇာနနဋ္ဌေန ပညာ. တေန ဝုစ္စတိ – ‘‘ဖုဋ္ဌတ္တာ ပညာ ပရိယောဂါဟဏေ ဉာဏံ’’.

ပရိယောဂါဟဏဉာဏနိဒ္ဒေသော ဒွေစတ္တာလီသမော.