၃. ဒွတ္တိံသာကာရော

အတ္ထိ ဣမသ္မိံ ကာယေ –

ကေသာ လောမာ နခါ ဒန္တာ တစော၊

မံသံ နှာရု [နဟာရု (သီ. ပီ.)၊ နဟာရူ (သျာ. ကံ.)] အဋ္ဌိ [အဋ္ဌီ (သျာ. ကံ)] အဋ္ဌိမိဉ္ဇံ ဝက္ကံ၊

ဟဒယံ ယကနံ ကိလောမကံ ပိဟကံ ပပ္ဖါသံ၊

အန္တံ အန္တဂုဏံ ဥဒရိယံ ကရီသံ မတ္ထလုင်္ဂံ [( ) သဗ္ဗတ္ထ နတ္ထိ၊ အဋ္ဌကထာ စ ဒွတ္တိံသသင်္ချာ စ မနသိ ကာတဗ္ဗာ]၊

ပိတ္တံ သေမှံ ပုဗ္ဗော လောဟိတံ သေဒေါ မေဒေါ၊

အဿု ဝသာ ခေဠော သိင်္ဃာဏိကာ လသိကာ မုတ္တန္တိ [မုတ္တံ၊ မတ္ထကေ မတ္ထလုင်္ဂန္တိ (သျာ.)].

ဒွတ္တိံသာကာရော နိဋ္ဌိတော.