၈. ပါဋလိပုပ္ဖိယတ္ထေရအပဒါနံ

၃၆. ‘‘သုဝဏ္ဏဝဏ္ဏံ သမ္ဗုဒ္ဓံ၊ ဂစ္ဆန္တံ အန္တရာပဏေ၊

ကဉ္စနဂ္ဃိယသင်္ကာသံ၊ ဗာတ္တိံသဝရလက္ခဏံ.

၃၇. ‘‘သေဋ္ဌိပုတ္တော တဒါ အာသိံ၊ သုခုမာလော သုခေဓိတော၊

ဥစ္ဆင်္ဂေ ပါဋလိပုပ္ဖံ၊ ကတွာန [ကတွာ တံ (သီ. သျာ.)] အဘိသံဟရိံ.

၃၈. ‘‘ဟဋ္ဌော ဟဋ္ဌေန စိတ္တေန၊ ပုပ္ဖေဟိ အဘိပူဇယိံ၊

တိဿံ လောကဝိဒုံ နာထံ၊ နရဒေဝံ နမဿဟံ.

၃၉. ‘‘ဒွေနဝုတေ ဣတော ကပ္ပေ၊ ယံ ကမ္မမကရိံ တဒါ၊

ဒုဂ္ဂတိံ နာဘိဇာနာမိ၊ ပုပ္ဖပူဇာယိဒံ ဖလံ.

၄၀. ‘‘ဣတော တေသဋ္ဌိကပ္ပမှိ၊ အဘိသမ္မတနာမကော၊

သတ္တရတနသမ္ပန္နော၊ စက္ကဝတ္တီ မဟဗ္ဗလော.

၄၁. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ပါဋလိပုပ္ဖိယော ထေရော ဣမာ ဂါထာယော အဘာသိတ္ထာတိ.

ပါဋလိပုပ္ဖိယတ္ထေရဿာပဒါနံ အဋ္ဌမံ.