၃. သယနဒါယကတ္ထေရအပဒါနံ

၂၀. ‘‘ပဒုမုတ္တရဗုဒ္ဓဿ၊ သဗ္ဗလောကာနုကမ္ပိနော၊

သယနံ တဿ ပါဒါသိံ၊ ဝိပ္ပသန္နေန စေတသာ.

၂၁. ‘‘တေန သယနဒါနေန၊ သုခေတ္တေ ဗီဇသမ္ပဒါ၊

ဘောဂါ နိဗ္ဗတ္တရေ တဿ၊ သယနဿ ဣဒံ ဖလံ.

၂၂. ‘‘အာကာသေ သေယျံ ကပ္ပေမိ၊ ဓာရေမိ ပထဝိံ ဣမံ၊

ပါဏေသု မေ ဣဿရိယံ၊ သယနဿ ဣဒံ ဖလံ.

၂၃. ‘‘ပဉ္စကပ္ပသဟဿမှိ၊ အဋ္ဌ အာသုံ မဟာတေဇာ [မဟာဝရာ (သီ.)၊ မဟာဝီရာ (သျာ.)]၊

စတုတ္တိံသေ ကပ္ပသတေ၊ စတုရော စ မဟဗ္ဗလာ.

၂၄. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ သယနဒါယကော ထေရော ဣမာ ဂါထာယော အဘာသိတ္ထာတိ.

သယနဒါယကတ္ထေရဿာပဒါနံ တတိယံ.