၅. ကုမ္မာသဒါယကတ္ထေရအပဒါနံ

၅၁. ‘‘ဧသနာယ စရန္တဿ၊ ဝိပဿိဿ မဟေသိနော၊

ရိတ္တကံ ပတ္တံ ဒိသွာန၊ ကုမ္မာသံ ပူရယိံ အဟံ.

၅၂. ‘‘ဧကနဝုတိတော ကပ္ပေ၊ ယံ ဘိက္ခံ အဒဒိံ တဒါ၊

ဒုဂ္ဂတိံ နာဘိဇာနာမိ၊ ကုမ္မာသဿ ဣဒံ ဖလံ.

၅၃. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝေါ.

၅၄. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၅၅. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ကုမ္မာသဒါယကော ထေရော ဣမာ ဂါထာယော

အဘာသိတ္ထာတိ.

ကုမ္မာသဒါယကတ္ထေရဿာပဒါနံ ပဉ္စမံ.