၈. ပိလက္ခဖလဒါယကတ္ထေရအပဒါနံ

၄၀. ‘‘ဝနန္တရေ ဗုဒ္ဓံ ဒိသွာ [ဝနန္တေ ဗုဒ္ဓံ ဒိသွာန (သီ. ပီ.)]၊ အတ္ထဒဿိံ မဟာယသံ၊

ပသန္နစိတ္တော သုမနော၊ ပိလက္ခဿ [ပိလက္ခုဿ (ပီ.)] ဖလံ အဒါ.

၄၁. ‘‘အဋ္ဌာရသေ ကပ္ပသတေ၊ ယံ ဖလံ အဒဒိံ တဒါ၊

ဒုဂ္ဂတိံ နာဘိဇာနာမိ၊ ဖလဒါနဿိဒံ ဖလံ.

၄၂. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝေါ.

၄၃. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၄၄. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ပိလက္ခဖလဒါယကော ထေရော ဣမာ

ဂါထာယော အဘာသိတ္ထာတိ.

ပိလက္ခဖလဒါယကတ္ထေရဿာပဒါနံ အဋ္ဌမံ.