၄. သေတုဒါယကတ္ထေရအပဒါနံ

၁၆. ‘‘ဝိပဿိနော ဘဂဝတော၊ စင်္ကမန္တဿ သမ္မုခါ၊

ပသန္နစိတ္တော သုမနော၊ သေတုံ ကာရာပယိံ အဟံ.

၁၇. ‘‘ဧကနဝုတိတော ကပ္ပေ၊ ယံ သေတုံ ကာရယိံ အဟံ၊

ဒုဂ္ဂတိံ နာဘိဇာနာမိ၊ သေတုဒါနဿိဒံ ဖလံ.

၁၈. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝေါ.

၁၉. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၂၀. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ သေတုဒါယကော ထေရော ဣမာ ဂါထာယော

အဘာသိတ္ထာတိ.

သေတုဒါယကတ္ထေရဿာပဒါနံ စတုတ္ထံ.