၆. ဝနကောရဏ္ဍိယတ္ထေရအပဒါနံ

၃၂. ‘‘သိဒ္ဓတ္ထဿ ဘဂဝတော၊ လောကဇေဋ္ဌဿ တာဒိနော၊

ဝနကောရဏ္ဍမာဒါယ၊ ဗုဒ္ဓဿ အဘိရောပယိံ.

၃၃. ‘‘စတုန္နဝုတိတော ကပ္ပေ၊ ယံ ပုပ္ဖမဘိရောပယိံ၊

ဒုဂ္ဂတိံ နာဘိဇာနာမိ၊ ဗုဒ္ဓပူဇာယိဒံ ဖလံ.

၃၄. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝေါ.

၃၅. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၃၆. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဝနကောရဏ္ဍိယော ထေရော ဣမာ ဂါထာယော

အဘာသိတ္ထာတိ.

ဝနကောရဏ္ဍိယတ္ထေရဿာပဒါနံ ဆဋ္ဌံ.

ဝီသတိမံ ဘာဏဝါရံ.