၄. တိဏုက္ကဓာရိယတ္ထေရအပဒါနံ

၂၂. ‘‘ပဒုမုတ္တရဗုဒ္ဓဿ၊ ဗောဓိယာ ပါဒပုတ္တမေ၊

ပသန္နစိတ္တော သုမနော၊ တယော ဥက္ကေ အဓာရယိံ.

၂၃. ‘‘သတသဟဿိတော ကပ္ပေ၊ သောဟံ ဥက္ကမဓာရယိံ၊

ဒုဂ္ဂတိံ နာဘိဇာနာမိ၊ ဥက္ကဒါနဿိဒံ ဖလံ.

၂၄. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝေါ.

၂၅. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၂၆. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ တိဏုက္ကဓာရိယော ထေရော ဣမာ ဂါထာယော

အဘာသိတ္ထာတိ.

တိဏုက္ကဓာရိယတ္ထေရဿာပဒါနံ စတုတ္ထံ.