၁၀. ဂန္ဓပူဇကတ္ထေရအပဒါနံ

၆၃. ‘‘စိတာသု ကုရုမာနာသု [စိတ္တေသု ကယိရမာနေသု (သီ.)]၊ နာနာဂန္ဓေ သမာဟဋေ၊

ပသန္နစိတ္တော သုမနော၊ ဂန္ဓမုဋ္ဌိမပူဇယိံ.

၆၄. ‘‘သတသဟဿိတော ကပ္ပေ၊ စိတကံ ယမပူဇယိံ၊

ဒုဂ္ဂတိံ နာဘိဇာနာမိ၊ စိတပူဇာယိဒံ ဖလံ.

၆၅. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝေါ.

၆၆. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၆၇. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဂန္ဓပူဇကော ထေရော ဣမာ ဂါထာယော

အဘာသိတ္ထာတိ.

ဂန္ဓပူဇကတ္ထေရဿာပဒါနံ ဒသမံ.

ဇဂတိဒါယကဝဂ္ဂေါ ဆစတ္တာလီသမော.