၅. ဥတ္တလိပုပ္ဖိယတ္ထေရအပဒါနံ

၃၁. ‘‘နိဂြောဓေ ဟရိတောဘာသေ၊ သံဝိရုဠှမှိ ပါဒပေ၊

ဥတ္တလိမာလံ [ဥမ္မာ မာလံ ဟိ (သျာ.)] ပဂ္ဂယှ၊ ဗောဓိယာ အဘိရောပယိံ.

၃၂. ‘‘ဣမသ္မိံယေဝ ကပ္ပမှိ၊ ယံ ဗောဓိမဘိပူဇယိံ၊

ဒုဂ္ဂတိံ နာဘိဇာနာမိ၊ ဗောဓိပူဇာယိဒံ ဖလံ.

၃၃. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝေါ.

၃၄. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၃၅. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဥတ္တလိပုပ္ဖိယော ထေရော ဣမာ ဂါထာယော

အဘာသိတ္ထာတိ.

ဥတ္တလိပုပ္ဖိယတ္ထေရဿာပဒါနံ ပဉ္စမံ.