၇. ကဒလိဖလဒါယကတ္ထေရအပဒါနံ

၃၇. ‘‘ကဏိကာရံဝ ဇလိတံ၊ ပုဏ္ဏမာယေဝ [ပုဏ္ဏမာသေဝ (သီ. က.)] စန္ဒိမံ၊

ဇလန္တံ ဒီပရုက္ခံဝ၊ အဒ္ဒသံ လောကနာယကံ.

၃၈. ‘‘ကဒလိဖလံ ပဂ္ဂယှ၊ အဒါသိံ သတ္ထုနော အဟံ၊

ပသန္နစိတ္တော သုမနော၊ ဝန္ဒိတွာန အပက္ကမိံ.

၃၉. ‘‘ဧကတ္တိံသေ ဣတော ကပ္ပေ၊ ယံ ဖလမဒဒိံ တဒါ၊

ဒုဂ္ဂတိံ နာဘိဇာနာမိ၊ ဖလဒါနဿိဒံ ဖလံ.

၄၀. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝေါ.

၄၁. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၄၂. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ကဒလိဖလဒါယကော ထေရော ဣမာ ဂါထာယော အဘာသိတ္ထာတိ.

ကဒလိဖလဒါယကတ္ထေရဿာပဒါနံ သတ္တမံ.