၉. တိမိရပုပ္ဖိယတ္ထေရအပဒါနံ

၃၁. ‘‘စန္ဒဘာဂါနဒီတီရေ၊ အနုသောတံ ဝဇာမဟံ၊

အဒ္ဒသံ ဝိရဇံ ဗုဒ္ဓံ၊ သာလရာဇံဝ ဖုလ္လိတံ.

၃၂. ‘‘ပသန္နစိတ္တော သုမနော၊ ပစ္စေကမုနိမုတ္တမံ၊

ဂဟေတွာ တိမိရံ ပုပ္ဖံ၊ မတ္ထကေ ဩကိရိံ အဟံ.

၃၃. ‘‘ဧကနဝုတိတော ကပ္ပေ၊ ယံ ပုပ္ဖမဘိပူဇယိံ၊

ဒုဂ္ဂတိံ နာဘိဇာနာမိ၊ ဗုဒ္ဓပူဇာယိဒံ ဖလံ.

၃၄. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ တိမိရပုပ္ဖိယော ထေရော ဣမာ ဂါထာယော အဘာသိတ္ထာတိ.

တိမိရပုပ္ဖိယတ္ထေရဿာပဒါနံ နဝမံ.