၈. မဉ္စဒါယကတ္ထေရအပဒါနံ

၃၀. ‘‘ဝိပဿိနော ဘဂဝတော၊ လောကဇေဋ္ဌဿ တာဒိနော၊

ဧကံ မဉ္စံ မယာ ဒိန္နံ၊ ပသန္နေန သပါဏိနာ.

၃၁. ‘‘ဟတ္ထိယာနံ အဿယာနံ၊ ဒိဗ္ဗယာနံ သမဇ္ဈဂံ၊

တေန မဉ္စကဒါနေန၊ ပတ္တောမှိ အာသဝက္ခယံ.

၃၂. ‘‘ဧကနဝုတိတော ကပ္ပေ၊ ယံ မဉ္စမဒဒိံ တဒါ၊

ဒုဂ္ဂတိံ နာဘိဇာနာမိ၊ မဉ္စဒါနဿိဒံ ဖလံ.

၃၃. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ မဉ္စဒါယကော ထေရော ဣမာ ဂါထာယော အဘာသိတ္ထာတိ.

မဉ္စဒါယကတ္ထေရဿာပဒါနံ အဋ္ဌမံ.