၂. ယဝကလာပိယတ္ထေရအပဒါနံ

၆. ‘‘နဂရေ အရုဏဝတိယာ၊ အာသိံ ယဝသိကော တဒါ၊

ပန္ထေ ဒိသွာန သမ္ဗုဒ္ဓံ၊ ယဝကလာပံ သန္ထရိံ [ယဝကလာပမဝတ္ထရိံ (သီ.)].

၇. ‘‘အနုကမ္ပကော ကာရုဏိကော၊ သိခီ လောကဂ္ဂနာယကော၊

မမ သင်္ကပ္ပမညာယ၊ နိသီဒိ ယဝသန္ထရေ.

၈. ‘‘ဒိသွာ နိသိန္နံ ဝိမလံ၊ မဟာဈာယိံ ဝိနာယကံ၊

ပါမောဇ္ဇံ ဇနယိတွာန၊ တတ္ထ ကာလင်္ကတော အဟံ.

၉. ‘‘ဧကတ္တိံသေ ဣတော ကပ္ပေ၊ ယံ ကမ္မမကရိံ တဒါ၊

ဒုဂ္ဂတိံ နာဘိဇာနာမိ၊ ယဝတ္ထရေ ဣဒံ ဖလံ.

၁၀. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ယဝကလာပိယော ထေရော ဣမာ ဂါထာယော အဘာသိတ္ထာတိ.

ယဝကလာပိယတ္ထေရဿာပဒါနံ ဒုတိယံ.