၇. ပဒုမပူဇကတ္ထေရအပဒါနံ

၄၄. ‘‘ဟိမဝန္တဿာဝိဒူရေ၊ ရောမသော နာမ ပဗ္ဗတော၊

ဗုဒ္ဓေါပိ သမ္ဘဝေါ နာမ၊ အဗ္ဘောကာသေ ဝသီ တဒါ.

၄၅. ‘‘ဘဝနာ နိက္ခမိတွာန၊ ပဒုမံ ဓာရယိံ အဟံ၊

ဧကာဟံ ဓာရယိတွာန၊ ပုန ဘဝနုပါဂမိံ.

၄၆. ‘‘ဧကနဝုတိတော ကပ္ပေ၊ ယံ ပုပ္ဖမဘိရောပယိံ၊

ဒုဂ္ဂတိံ နာဘိဇာနာမိ၊ ဗုဒ္ဓပူဇာယိဒံ ဖလံ.

၄၇. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ပဒုမပူဇကော ထေရော ဣမာ ဂါထာယော အဘာသိတ္ထာတိ.

ပဒုမပူဇကတ္ထေရဿာပဒါနံ သတ္တမံ.

တေရသမံ ဘာဏဝါရံ.