၁၀. ကုမုဒမာလိယတ္ထေရအပဒါနံ

၅၄. ‘‘ဥသဘံ ပဝရံ ဝီရံ၊ မဟေသိံ ဝိဇိတာဝိနံ၊

ဝိပဿိနံ မဟာဝီရံ၊ အဘိဇာတံဝ ကေသရိံ.

၅၅. ‘‘ရထိယံ ပဋိပဇ္ဇန္တံ၊ အာဟုတီနံ ပဋိဂ္ဂဟံ၊

ဂဟေတွာ ကုမုဒံ မာလံ၊ ဗုဒ္ဓသေဋ္ဌံ သမောကိရိံ.

၅၆. ‘‘ဧကနဝုတိတော ကပ္ပေ၊ ယံ ပုပ္ဖမဘိပူဇယိံ၊

ဒုဂ္ဂတိံ နာဘိဇာနာမိ၊ ဗုဒ္ဓပူဇာယိဒံ ဖလံ.

၅၇. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ကုမုဒမာလိယော ထေရော ဣမာ ဂါထာယော အဘာသိတ္ထာတိ.

ကုမုဒမာလိယတ္ထေရဿာပဒါနံ ဒသမံ.

အာရက္ခဒါယကဝဂ္ဂေါ ဗာတ္တိံသတိမော [ဗတ္တိံသတိမော (သီ. သျာ.)].