၅. မဃဝပုပ္ဖိယတ္ထေရအပဒါနံ

၂၀. ‘‘နမ္မဒါနဒိယာ တီရေ၊ သယမ္ဘူ အပရာဇိတော၊

သမာဓိံ သော သမာပန္နော၊ ဝိပ္ပသန္နော အနာဝိလော.

၂၁. ‘‘ဒိသွာ ပသန္နသုမနော၊ သမ္ဗုဒ္ဓံ အပရာဇိတံ၊

တာဟံ မဃဝပုပ္ဖေန၊ သယမ္ဘုံ ပူဇယိံ တဒါ.

၂၂. ‘‘ဧကနဝုတိတော ကပ္ပေ၊ ယံ ပုပ္ဖမဘိပူဇယိံ၊

ဒုဂ္ဂတိံ နာဘိဇာနာမိ၊ ဗုဒ္ဓပူဇာယိဒံ ဖလံ.

၂၃. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ မဃဝပုပ္ဖိယော ထေရော ဣမာ ဂါထာယော အဘာသိတ္ထာတိ.

မဃဝပုပ္ဖိယတ္ထေရဿာပဒါနံ ပဉ္စမံ.