၅. ဧကဉ္ဇလိကတ္ထေရအပဒါနံ

၁၉. ‘‘ဥဒုမ္ဗရေ ဝသန္တဿ၊ နိယတေ ပဏ္ဏသန္ထရေ၊

ဝုတ္ထောကာသော မယာ ဒိန္နော၊ သမဏဿ မဟေသိနော.

၂၀. ‘‘တိဿဿ ဒွိပဒိန္ဒဿ၊ လောကနာထဿ တာဒိနော၊

အဉ္ဇလိံ ပဂ္ဂဟေတွာန၊ သန္ထရိံ ပုပ္ဖသန္ထရံ.

၂၁. ‘‘ဒွေနဝုတေ ဣတော ကပ္ပေ၊ ယံ ကရိံ ပုပ္ဖသန္ထရံ၊

ဒုဂ္ဂတိံ နာဘိဇာနာမိ၊ သန္ထရဿ ဣဒံ ဖလံ.

၂၂. ‘‘ဣတော စုဒ္ဒသကပ္ပမှိ၊ အဟောသိံ မနုဇာဓိပေါ၊

ဧကအဉ္ဇလိကော နာမ၊ စက္ကဝတ္တီ မဟဗ္ဗလော.

၂၃. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဧကဉ္ဇလိကော ထေရော ဣမာ ဂါထာယော အဘာသိတ္ထာတိ.

ဧကဉ္ဇလိကတ္ထေရဿာပဒါနံ ပဉ္စမံ.