၄. ဧကသညကတ္ထေရအပဒါနံ
၁၇. ‘‘ဒုမဂ္ဂေ ပံသုကူလိကံ [ပံသုကူလကံ (?)]၊ လဂ္ဂံ ဒိသွာန သတ္ထုနော၊
အဉ္ဇလိံ ပဂ္ဂဟေတွာန၊ ပံသုကူလံ အဝန္ဒဟံ.
၁၈. ‘‘ဧကတ္တိံသေ ဣတော ကပ္ပေ၊ ယံ သညမလဘိံ တဒါ၊
ဒုဂ္ဂတိံ နာဘိဇာနာမိ၊ ဗုဒ္ဓပူဇာယိဒံ ဖလံ.
၁၉. ‘‘ပဉ္စဝီသေ ဣတော ကပ္ပေ၊ ဧကော အာသိံ ဇနာဓိပေါ၊
အမိတာဘောတိ နာမေန၊ စက္ကဝတ္တီ မဟဗ္ဗလော.
၂၀. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.
ဣတ္ထံ သုဒံ အာယသ္မာ ဧကသညကော ထေရော ဣမာ ဂါထာယော အဘာသိတ္ထာတိ.
ဧကသညကတ္ထေရဿာပဒါနံ စတုတ္ထံ.