၁၀. ပါပနိဝါရိယတ္ထေရအပဒါနံ

၅၁. ‘‘ပိယဒဿိဿ ဘဂဝတော၊ စင်္ကမံ သောဓိတံ မယာ၊

နဠကေဟိ ပဋိစ္ဆန္နံ၊ ဝါတာတပနိဝါရဏံ.

၅၂. ‘‘ပါပံ ဝိဝဇ္ဇနတ္ထာယ၊ ကုသလဿုပသမ္ပဒါ၊

ကိလေသာနံ ပဟာနာယ၊ ပဒဟိံ သတ္ထု သာသနေ.

၅၃. ‘‘ဣတော ဧကာဒသေ ကပ္ပေ၊ အဂ္ဂိဒေဝေါတိ ဝိဿုတော၊

သတ္တရတနသမ္ပန္နော၊ စက္ကဝတ္တီ မဟဗ္ဗလော.

၅၄. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ပါပနိဝါရိယော [ဝါတာတပနိဝါရိယော (?)] ထေရော ဣမာ ဂါထာယော အဘာသိတ္ထာတိ.

ပါပနိဝါရိယတ္ထေရဿာပဒါနံ ဒသမံ.

ဟတ္ထိဝဂ္ဂေါ ဗာဝီသတိမော.