၉. အာဓာရဒါယကတ္ထေရအပဒါနံ

၄၀. ‘‘အာဓာရကံ မယာ ဒိန္နံ၊ သိခိနော လောကဗန္ဓုနော၊

ဓာရေမိ ပထဝိံ သဗ္ဗံ၊ ကေဝလံ ဝသုဓံ ဣမံ.

၄၁. ‘‘ကိလေသာ ဈာပိတာ မယှံ၊ ဘဝါ သဗ္ဗေ သမူဟတာ၊

ဓာရေမိ အန္တိမံ ဒေဟံ၊ သမ္မာသမ္ဗုဒ္ဓသာသနေ.

၄၂. ‘‘သတ္တဝီသေ ဣတော ကပ္ပေ၊ အဟေသုံ စတုရော ဇနာ၊

သမန္တဝရဏာ နာမ၊ စက္ကဝတ္တီ မဟဗ္ဗလာ.

၄၃. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ အာဓာရဒါယကော [ပရိယာဒါနိယော (က.)] ထေရော ဣမာ ဂါထာယော အဘာသိတ္ထာတိ.

အာဓာရဒါယကတ္ထေရဿာပဒါနံ နဝမံ.