၁၀. ဧကဝန္ဒနိယတ္ထေရအပဒါနံ

၄၈. ‘‘ဥသဘံ ပဝရံ ဝီရံ၊ ဝေဿဘုံ ဝိဇိတာဝိနံ၊

ပသန္နစိတ္တော သုမနော၊ ဗုဒ္ဓသေဋ္ဌမဝန္ဒဟံ.

၄၉. ‘‘ဧကတ္တိံသေ ဣတော ကပ္ပေ၊ ယံ ကမ္မမကရိံ တဒါ၊

ဒုဂ္ဂတိံ နာဘိဇာနာမိ၊ ဝန္ဒနာယ ဣဒံ ဖလံ.

၅၀. ‘‘စတုဝီသတိကပ္ပမှိ၊ ဝိကတာနန္ဒနာမကော၊

သတ္တရတနသမ္ပန္နော၊ စက္ကဝတ္တီ မဟဗ္ဗလော.

၅၁. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဧကဝန္ဒနိယော ထေရော ဣမာ ဂါထာယော အဘာသိတ္ထာတိ.

ဧကဝန္ဒနိယတ္ထေရဿာပဒါနံ ဒသမံ.

အာလမ္ဗဏဒါယကဝဂ္ဂေါ တေဝီသတိမော.