၈. မိဉ္ဇဝဋံသကိယတ္ထေရအပဒါနံ

၃၉. ‘‘နိဗ္ဗုတေ လောကနာထမှိ၊ သိခိမှိ ဝဒတံ ဝရေ၊

ဝဋံသကေဟိ အာကိဏ္ဏံ၊ ဗောဓိပူဇံ အကာသဟံ.

၄၀. ‘‘ဧကတ္တိံသေ ဣတော ကပ္ပေ၊ ယံ ပူဇမကရိံ တဒါ၊

ဒုဂ္ဂတိံ နာဘိဇာနာမိ၊ ဗောဓိပူဇာယိဒံ ဖလံ.

၄၁. ‘‘ဣတော ဆဗ္ဗီသတိကပ္ပေ၊ အဟုံ မေဃဗ္ဘနာမကော၊

သတ္တရတနသမ္ပန္နော၊ စက္ကဝတ္တီ မဟဗ္ဗလော.

၄၂. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ မိဉ္ဇဝဋံသကိယော ထေရော ဣမာ ဂါထာယော အဘာသိတ္ထာတိ.

မိဉ္ဇဝဋံသကိယတ္ထေရဿာပဒါနံ အဋ္ဌမံ.