၆. မဂ္ဂဒတ္တိကတ္ထေရအပဒါနံ

၂၆. ‘‘အနောမဒဿီ ဘဂဝါ၊ ဒွိပဒိန္ဒော နရာသဘော၊

ဒိဋ္ဌဓမ္မသုခတ္ထာယ၊ အဗ္ဘောကာသမှိ စင်္ကမိ.

၂၇. ‘‘ဥဒ္ဓတေ ပါဒေ ပုပ္ဖါနိ၊ သောဘံ မုဒ္ဓနိ တိဋ္ဌရေ၊

ပသန္နစိတ္တော သုမနော၊ ဝန္ဒိတွာ ပုပ္ဖမောကိရိံ.

၂၈. ‘‘ဝီသကပ္ပသဟဿမှိ၊ ဣတော ပဉ္စ ဇနာ အဟုံ၊

ပုပ္ဖစ္ဆဒနိယာ နာမ၊ စက္ကဝတ္တီ မဟဗ္ဗလာ.

၂၉. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ မဂ္ဂဒတ္တိကော ထေရော ဣမာ ဂါထာယော အဘာသိတ္ထာတိ.

မဂ္ဂဒတ္တိကတ္ထေရဿာပဒါနံ ဆဋ္ဌံ.