၁၀. သင်္ဃုပဋ္ဌာကတ္ထေရအပဒါနံ
၄၅. ‘‘ဝေဿဘုမှိ ဘဂဝတိ၊ အဟောသာရာမိကော အဟံ၊
ပသန္နစိတ္တော သုမနော၊ ဥပဋ္ဌိံ သံဃမုတ္တမံ.
၄၆. ‘‘ဧကတ္တိံသေ ဣတော ကပ္ပေ၊ ယံ ကမ္မမကရိံ တဒါ၊
ဒုဂ္ဂတိံ နာဘိဇာနာမိ၊ ဥပဋ္ဌာနဿိဒံ ဖလံ.
၄၇. ‘‘ဣတော တေ သတ္တမေ ကပ္ပေ၊ သတ္တေဝါသုံ သမောဒကာ၊
သတ္တရတနသမ္ပန္နာ၊ စက္ကဝတ္တီ မဟဗ္ဗလာ.
၄၈. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.
ဣတ္ထံ သုဒံ အာယသ္မာ သင်္ဃုပဋ္ဌာကော ထေရော ဣမာ ဂါထာယော အဘာသိတ္ထာတိ.
သင်္ဃုပဋ္ဌာကတ္ထေရဿာပဒါနံ ဒသမံ.
ကုမုဒဝဂ္ဂေါ အဋ္ဌာရသမော.