၃. ဝေဒိကာရကတ္ထေရအပဒါနံ

၁၀. ‘‘နိဗ္ဗုတေ လောကနာထမှိ၊ ပိယဒဿီနရုတ္တမေ၊

ပသန္နစိတ္တော သုမနော၊ မုတ္တာဝေဒိမကာသဟံ.

၁၁. ‘‘မဏီဟိ ပရိဝါရေတွာ၊ အကာသိံ ဝေဒိမုတ္တမံ၊

ဝေဒိကာယ မဟံ ကတွာ၊ တတ္ထ ကာလင်္ကတော အဟံ.

၁၂. ‘‘ယံ ယံ ယောနုပပဇ္ဇာမိ၊ ဒေဝတ္တံ အထ မာနုသံ၊

မဏီ ဓာရေန္တိ အာကာသေ၊ ပုညကမ္မဿိဒံ ဖလံ.

၁၃. ‘‘သောဠသိတော ကပ္ပသတေ၊ မဏိပ္ပဘာသနာမကာ၊

ဆတ္တိံသာသိံသု [ဗာတ္တိံသာသိံသု (သီ. သျာ.)] ရာဇာနော၊ စက္ကဝတ္တီ မဟဗ္ဗလာ.

၁၄. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဝေဒိကာရကော ထေရော ဣမာ ဂါထာယော အဘာသိတ္ထာတိ.

ဝေဒိကာရကတ္ထေရဿာပဒါနံ တတိယံ.