၂. သုစိန္တိကတ္ထေရအပဒါနံ

၈. ‘‘တိဿဿ လောကနာထဿ၊ သုဒ္ဓပီဌမဒါသဟံ၊

ဟဋ္ဌော ဟဋ္ဌေန စိတ္တေန၊ ဗုဒ္ဓဿာဒိစ္စဗန္ဓုနော.

၉. ‘‘အဋ္ဌာရသေ [အဋ္ဌတိံသေ (သီ. သျာ.)] ဣတော ကပ္ပေ၊ ရာဇာ အာသိံ မဟာရုစိ၊

ဘောဂေါ စ ဝိပုလော အာသိ၊ သယနဉ္စ အနပ္ပကံ.

၁၀. ‘‘ပီဌံ ဗုဒ္ဓဿ ဒတွာန၊ ဝိပ္ပသန္နေန စေတသာ၊

အနုဘောမိ သကံ ကမ္မံ၊ ပုဗ္ဗေ သုကတမတ္တနော.

၁၁. ‘‘ဒွေနဝုတေ ဣတော ကပ္ပေ၊ ယံ ပီဌမဒဒိံ တဒါ၊

ဒုဂ္ဂတိံ နာဘိဇာနာမိ၊ ပီဌဒါနဿိဒံ ဖလံ.

၁၂. ‘‘အဋ္ဌတိံသေ ဣတော ကပ္ပေ၊ တယော တေ စက္ကဝတ္တိနော၊

ရုစိ ဥပရုစိ စေဝ၊ မဟာရုစိ တတိယကော.

၁၃. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ သုစိန္တိကော ထေရော ဣမာ ဂါထာယော အဘာသိတ္ထာတိ.

သုစိန္တိကတ္ထေရဿာပဒါနံ ဒုတိယံ.