၉. သတ္ထာရဝန္ဒနာသုတ္တဝဏ္ဏနာ

၂၆၅. နဝမေ ဘဂဝန္တံ နမဿတီတိ ဧကံသံ ဥတ္တရိယံ ဒုကုလံ ကတွာ၊ ဗြဟ္မဇာဏုကော ဟုတွာ သိရသိ အဉ္ဇလိံ ဌပေတွာ နမဿတိ. သော ယက္ခောတိ သော သက္ကော. အနောမနာမန္တိ သဗ္ဗဂုဏေဟိ ဩမကဘာဝဿ နတ္ထိတာယ သဗ္ဗဂုဏနေမိတ္တကေဟိ နာမေဟိ အနောမနာမံ. အဝိဇ္ဇာသမတိက္ကမာတိ စတုသစ္စပဋိစ္ဆာဒိကာယ ဝဋ္ဋမူလကအဝိဇ္ဇာယ သမတိက္ကမေန. သေက္ခာတိ သတ္တ သေက္ခာ. အပစယာရာမာတိ ဝဋ္ဋဝိဒ္ဓံသနေ ရတာ. သိက္ခရေတိ သိက္ခန္တိ. နဝမံ.