၁၀. ကဝိသုတ္တဝဏ္ဏနာ

၆၀. ဒသမေ ဆန္ဒော နိဒါနန္တိ ဂါယတ္တိအာဒိကော ဆန္ဒော ဂါထာနံ နိဒါနံ. ပုဗ္ဗပဋ္ဌာပနဂါထာ အာရဘန္တော ဟိ ‘‘ကတရစ္ဆန္ဒေန ဟောတူ’’တိ အာရဘတိ. ဝိယဉ္ဇနန္တိ ဇနနံ. အက္ခရံ ဟိ ပဒံ ဇနေတိ၊ ပဒံ ဂါထံ ဇနေတိ၊ ဂါထာ အတ္ထံ ပကာသေတီတိ. နာမသန္နိဿိတာတိ သမုဒ္ဒါဒိပဏ္ဏတ္တိနိဿိတာ. ဂါထာ အာရဘန္တော ဟိ သမုဒ္ဒံ ဝါ ပထဝိံ ဝါ ယံ ကိဉ္စိ နာမံ နိဿယိတွာဝ အာရဘတိ. အာသယောတိ ပတိဋ္ဌာ. ကဝိတော ဟိ ဂါထာ ပဝတ္တန္တိ. သော တာသံ ပတိဋ္ဌာ ဟောတီတိ. ဒသမံ.

ဇရာဝဂ္ဂေါ ဆဋ္ဌော.