၆. ဆက္ကနိဒ္ဒေသဝဏ္ဏနာ

၂၀၂. ဆက္ကေ – တတြာတိ တေသု ဆသု ပုဂ္ဂလေသု. သမ္မာသမ္ဗုဒ္ဓေါ တေန ဒဋ္ဌဗ္ဗောတိ သော ပုဂ္ဂလော တေန အနာစရိယကေန အတ္တနာ ဥပ္ပါဒိတေန သဗ္ဗညုတညာဏေန သဗ္ဗညုဗုဒ္ဓေါ ဒဋ္ဌဗ္ဗော.

ပစ္စေကသမ္ဗုဒ္ဓေါ တေနာတိအာဒီသုပိ တေန ပစ္စေကသမ္ဗောဓိဉာဏေန သော ပုဂ္ဂလော ပစ္စေကသမ္ဗုဒ္ဓေါ. တေန သာဝကပါရမီဉာဏေန တေ ပုဂ္ဂလာ သာရိပုတ္တမောဂ္ဂလ္လာနာ. တေန ဒုက္ခဿ အန္တကရဏေန တေ ပုဂ္ဂလာ အဝသေသာ အရဟန္တော. တေန ဣတ္ထတ္တံ အနာဂမနေန သော ပုဂ္ဂလော အနာဂါမီ. တေန ဣတ္ထတ္တံ အာဂမနေန တေ ပုဂ္ဂလာ သောတာပန္နသကဒါဂါမိနော ဒဋ္ဌဗ္ဗာတိ.

ဆက္ကနိဒ္ဒေသဝဏ္ဏနာ.