၁၀. ဒသမနယော ဝိပ္ပယုတ္တေနဝိပ္ပယုတ္တပဒဝဏ္ဏနာ

၃၅၃. ဣဒါနိ ဝိပ္ပယုတ္တေနဝိပ္ပယုတ္တပဒံ ဘာဇေတုံ ရူပက္ခန္ဓေနာတိအာဒိ အာရဒ္ဓံ. တတ္ထ ယေ သမ္ပယောဂဝိပ္ပယောဂပဒနိဒ္ဒေသေ ရူပက္ခန္ဓာဒယော ဓမ္မာ ဥဒ္ဓဋာ၊ သဗ္ဗပုစ္ဆာသု တေယေဝ ဥဒ္ဓဋာ. သဒိသဝိဿဇ္ဇနာနံ ပန ဧကတော ဂဟိတတ္တာ ပဒါနိ အညာယ ပဋိပါဋိယာ အာဂတာနိ. တတ္ထ ယံ ပဒံ ပုစ္ဆာယ ဥဒ္ဓဋံ၊ တံ ယေဟိ ဓမ္မေဟိ ဝိပ္ပယုတ္တံ၊ တေသံ ဝသေန ခန္ဓာဒိဝိဘာဂေါ ဝေဒိတဗ္ဗော. ရူပက္ခန္ဓေန ဟိ ဝေဒနာဒယော ဝိပ္ပယုတ္တာ၊ တေဟိ စ ရူပက္ခန္ဓော ဝိပ္ပယုတ္တော. နိဗ္ဗာနံ ပန သုခုမရူပဂတိကမေဝ. သော ရူပက္ခန္ဓော စတူဟိ ခန္ဓေဟိ၊ ဧကေန မနာယတနေန သတ္တဟိ ဝိညာဏဓာတူဟိ၊ ဓမ္မာယတနဓမ္မဓာတူသု၊ ကေဟိစိ ဝေဒနာဒီဟိ ဓမ္မေဟေဝ ဝိပ္ပယုတ္တော. ဧသေဝ နယော သဗ္ဗတ္ထာတိ.

ဝိပ္ပယုတ္တေနဝိပ္ပယုတ္တပဒဝဏ္ဏနာ.