၃. နယမုခမာတိကာဝဏ္ဏနာ

၃. တီဟိ သင်္ဂဟော၊ တီဟိ အသင်္ဂဟော၊ စတူဟိ သမ္ပယောဂေါ၊ စတူဟိ ဝိပ္ပယောဂေါတိ အယံ စတူဟိ ပဒေဟိ နိက္ခိတ္တာ နယမုခမာတိကာ နာမ. အယဉှိ သဗ္ဗေသုပိ ပဉ္စက္ခန္ဓာဒီသု စေဝ ကုသလတ္တိကာဒီသု စ မာတိကာဓမ္မေသု၊ တီဟိ ခန္ဓာယတနဓာတုပဒေဟေဝ သင်္ဂဟော စ အသင်္ဂဟော စ ယောဇေတဗ္ဗော. တထာ စတူဟိ အရူပက္ခန္ဓေဟိ သမ္ပယောဂေါ စ ဝိပ္ပယောဂေါ စ. ဧတာနိ ဣမေသံ သင်္ဂဟာသင်္ဂဟာဒီနံ နယာနံ မုခါနီတိ ဒဿေတုံ ဌပိတတ္တာ နယမုခမာတိကာတိ ဝုစ္စတိ.