၁. ပဒသောဓနဝါရော
(က) အနုလောမံ
၉၄. (က) စက္ခု စက္ခုန္ဒြိယန္တိ?
ဒိဗ္ဗစက္ခု ပညာစက္ခု စက္ခု၊ န စက္ခုန္ဒြိယံ. စက္ခုန္ဒြိယံ စက္ခု စေဝ စက္ခုန္ဒြိယဉ္စ.
(ခ) စက္ခုန္ဒြိယံ စက္ခူတိ? အာမန္တာ.
(က) သောတံ သောတိန္ဒြိယန္တိ?
ဒိဗ္ဗသောတံ တဏှာသောတံ သောတံ၊ န သောတိန္ဒြိယံ. သောတိန္ဒြိယံ သောတဉ္စေဝ သောတိန္ဒြိယဉ္စ.
(ခ) သောတိန္ဒြိယံ သောတန္တိ? အာမန္တာ.
(က) ဃာနံ ဃာနိန္ဒြိယန္တိ? အာမန္တာ.
(ခ) ဃာနိန္ဒြိယံ ဃာနန္တိ? အာမန္တာ.
(က) ဇိဝှါ ဇိဝှိန္ဒြိယန္တိ? အာမန္တာ.
(ခ) ဇိဝှိန္ဒြိယံ ဇိဝှါတိ? အာမန္တာ.
(က) ကာယော ကာယိန္ဒြိယန္တိ?
ကာယိန္ဒြိယံ ဌပေတွာ အဝသေသော ကာယော [အဝသေသာ ကာယော (သီ. သျာ. က.)]၊ န ကာယိန္ဒြိယံ. ကာယိန္ဒြိယံ ကာယော စေဝ ကာယိန္ဒြိယဉ္စ.
(ခ) ကာယိန္ဒြိယံ ကာယောတိ? အာမန္တာ.
(က) မနော မနိန္ဒြိယန္တိ? အာမန္တာ.
(ခ) မနိန္ဒြိယံ မနောတိ? အာမန္တာ.
(က) ဣတ္ထီ ဣတ္ထိန္ဒြိယန္တိ? နော.
(ခ) ဣတ္ထိန္ဒြိယံ ဣတ္ထီတိ? နော.
(က) ပုရိသော ပုရိသိန္ဒြိယန္တိ? နော.
(ခ) ပုရိသိန္ဒြိယံ ပုရိသောတိ? နော.
(က) ဇီဝိတံ ဇီဝိတိန္ဒြိယန္တိ? အာမန္တာ.
(ခ) ဇီဝိတိန္ဒြိယံ ဇီဝိတန္တိ? အာမန္တာ.
(က) သုခံ သုခိန္ဒြိယန္တိ? အာမန္တာ.
(ခ) သုခိန္ဒြိယံ သုခန္တိ? အာမန္တာ.
(က) ဒုက္ခံ ဒုက္ခိန္ဒြိယန္တိ? အာမန္တာ.
(ခ) ဒုက္ခိန္ဒြိယံ ဒုက္ခန္တိ? အာမန္တာ.
(က) သောမနဿံ သောမနဿိန္ဒြိယန္တိ? အာမန္တာ.
(ခ) သောမနဿိန္ဒြိယံ သောမနဿန္တိ? အာမန္တာ.
(က) ဒေါမနဿံ ဒေါမနဿိန္ဒြိယန္တိ? အာမန္တာ.
(ခ) ဒေါမနဿိန္ဒြိယံ ဒေါမနဿန္တိ? အာမန္တာ.
(က) ဥပေက္ခာ ဥပေက္ခိန္ဒြိယန္တိ?
ဥပေက္ခိန္ဒြိယံ ဌပေတွာ အဝသေသာ ဥပေက္ခာ၊ န ဥပေက္ခိန္ဒြိယံ. ဥပေက္ခိန္ဒြိယံ ဥပေက္ခာ စေဝ ဥပေက္ခိန္ဒြိယဉ္စ.
(ခ) ဥပေက္ခိန္ဒြိယံ ဥပေက္ခာတိ? အာမန္တာ.
(က) သဒ္ဓါ သဒ္ဓိန္ဒြိယန္တိ? အာမန္တာ.
(ခ) သဒ္ဓိန္ဒြိယံ သဒ္ဓါတိ? အာမန္တာ.
(က) ဝီရိယံ ဝီရိယိန္ဒြိယန္တိ? အာမန္တာ.
(ခ) ဝီရိယိန္ဒြိယံ ဝီရိယန္တိ? အာမန္တာ.
(က) သတိ သတိန္ဒြိယန္တိ? အာမန္တာ.
(ခ) သတိန္ဒြိယံ သတီတိ? အာမန္တာ.
(က) သမာဓိ သမာဓိန္ဒြိယန္တိ? အာမန္တာ.
(ခ) သမာဓိန္ဒြိယံ သမာဓီတိ? အာမန္တာ.
(က) ပညာ ပညိန္ဒြိယန္တိ? အာမန္တာ.
(ခ) ပညိန္ဒြိယံ ပညာတိ? အာမန္တာ.
(က) အနညာတညဿာမီတိ အနညာတညဿာမီတိန္ဒြိယန္တိ? အာမန္တာ.
(ခ) အနညာတညဿာမီတိန္ဒြိယံ အနညာတညဿာမီတိ? အာမန္တာ.
(က) အညံ အညိန္ဒြိယန္တိ? အာမန္တာ.
(ခ) အညိန္ဒြိယံ အညန္တိ? အာမန္တာ.
(က) အညာတာဝီ အညာတာဝိန္ဒြိယန္တိ? အာမန္တာ.
(ခ) အညာတာဝိန္ဒြိယံ အညာတာဝီတိ? အာမန္တာ.
(ခ) ပစ္စနီကံ
၉၅. (က) န စက္ခု န စက္ခုန္ဒြိယန္တိ? အာမန္တာ.
(ခ) န စက္ခုန္ဒြိယံ န စက္ခူတိ?
ဒိဗ္ဗစက္ခု ပညာစက္ခု န စက္ခုန္ဒြိယံ၊ စက္ခု. စက္ခုဉ္စ စက္ခုန္ဒြိယဉ္စ ဌပေတွာ အဝသေသာ န စေဝ စက္ခု န စ စက္ခုန္ဒြိယံ.
(က) န သောတံ န သောတိန္ဒြိယန္တိ? အာမန္တာ.
(ခ) န သောတိန္ဒြိယံ န သောတန္တိ?
ဒိဗ္ဗသောတံ တဏှာသောတံ န သောတိန္ဒြိယံ၊ သောတံ. သောတဉ္စ သောတိန္ဒြိယဉ္စ ဌပေတွာ အဝသေသာ န စေဝ သောတံ န စ သောတိန္ဒြိယံ.
(က) န ဃာနံ န ဃာနိန္ဒြိယန္တိ? အာမန္တာ.
(ခ) န ဃာနိန္ဒြိယံ န ဃာနန္တိ? အာမန္တာ.
(က) န ဇိဝှါ န ဇိဝှိန္ဒြိယန္တိ? အာမန္တာ.
(ခ) န ဇိဝှိန္ဒြိယံ န ဇိဝှါတိ? အာမန္တာ.
(က) န ကာယော န ကာယိန္ဒြိယန္တိ? အာမန္တာ.
(ခ) န ကာယိန္ဒြိယံ န ကာယောတိ?
ကာယိန္ဒြိယံ ဌပေတွာ အဝသေသော န ကာယိန္ဒြိယံ၊ ကာယော. ကာယဉ္စ ကာယိန္ဒြိယဉ္စ ဌပေတွာ အဝသေသော န စေဝ ကာယော န စ ကာယိန္ဒြိယံ.
(က) န မနော န မနိန္ဒြိယန္တိ? အာမန္တာ.
(ခ) န မနိန္ဒြိယံ န မနောတိ? အာမန္တာ.
(က) န ဣတ္ထီ န ဣတ္ထိန္ဒြိယန္တိ?
ဣတ္ထိန္ဒြိယံ န ဣတ္ထီ၊ ဣတ္ထိန္ဒြိယံ. ဣတ္ထိဉ္စ ဣတ္ထိန္ဒြိယဉ္စ ဌပေတွာ အဝသေသာ န စေဝ ဣတ္ထီ န စ ဣတ္ထိန္ဒြိယံ.
(ခ) န ဣတ္ထိန္ဒြိယံ န ဣတ္ထီတိ?
ဣတ္ထီ န ဣတ္ထိန္ဒြိယံ၊ ဣတ္ထီ. ဣတ္ထိဉ္စ ဣတ္ထိန္ဒြိယဉ္စ ဌပေတွာ အဝသေသာ န စေဝ ဣတ္ထီ န စ ဣတ္ထိန္ဒြိယံ.
(က) န ပုရိသော န ပုရိသိန္ဒြိယန္တိ?
ပုရိသိန္ဒြိယံ န ပုရိသော၊ ပုရိသိန္ဒြိယံ. ပုရိသဉ္စ ပုရိသိန္ဒြိယဉ္စ ဌပေတွာ အဝသေသာ န စေဝ ပုရိသော န စ ပုရိသိန္ဒြိယံ.
(ခ) န ပုရိသိန္ဒြိယံ န ပုရိသောတိ?
ပုရိသော န ပုရိသိန္ဒြိယံ၊ ပုရိသော. ပုရိသဉ္စ ပုရိသိန္ဒြိယဉ္စ ဌပေတွာ အဝသေသာ န စေဝ ပုရိသော န စ ပုရိသိန္ဒြိယံ.
(က) န ဇီဝိတံ န ဇီဝိတိန္ဒြိယန္တိ? အာမန္တာ.
(ခ) န ဇီဝိတိန္ဒြိယံ န ဇီဝိတန္တိ? အာမန္တာ.
(က) န သုခံ န သုခိန္ဒြိယန္တိ? အာမန္တာ.
(ခ) န သုခိန္ဒြိယံ န သုခန္တိ? အာမန္တာ.
(က) န ဒုက္ခံ န ဒုက္ခိန္ဒြိယန္တိ? အာမန္တာ.
(ခ) န ဒုက္ခိန္ဒြိယံ န ဒုက္ခန္တိ? အာမန္တာ.
(က) န သောမနဿံ န သောမနဿိန္ဒြိယန္တိ? အာမန္တာ.
(ခ) န သောမနဿိန္ဒြိယံ န သောမနဿန္တိ? အာမန္တာ.
(က) န ဒေါမနဿံ န ဒေါမနဿိန္ဒြိယန္တိ? အာမန္တာ.
(ခ) န ဒေါမနဿိန္ဒြိယံ န ဒေါမနဿန္တိ? အာမန္တာ.
(က) န ဥပေက္ခာ န ဥပေက္ခိန္ဒြိယန္တိ? အာမန္တာ.
(ခ) န ဥပေက္ခိန္ဒြိယံ န ဥပေက္ခာတိ?
ဥပေက္ခိန္ဒြိယံ ဌပေတွာ အဝသေသာ န ဥပေက္ခိန္ဒြိယံ၊ ဥပေက္ခာ. ဥပေက္ခဉ္စ ဥပေက္ခိန္ဒြိယဉ္စ ဌပေတွာ အဝသေသာ န စေဝ ဥပေက္ခာ န စ ဥပေက္ခိန္ဒြိယံ.
(က) န သဒ္ဓါ န သဒ္ဓိန္ဒြိယန္တိ? အာမန္တာ.
(ခ) န သဒ္ဓိန္ဒြိယံ န သဒ္ဓါတိ? အာမန္တာ.
(က) န ဝီရိယံ န ဝီရိယိန္ဒြိယန္တိ? အာမန္တာ.
(ခ) န ဝီရိယိန္ဒြိယံ န ဝီရိယန္တိ? အာမန္တာ.
(က) န သတိ န သတိန္ဒြိယန္တိ? အာမန္တာ.
(ခ) န သတိန္ဒြိယံ န သတီတိ? အာမန္တာ.
(က) န သမာဓိ န သမာဓိန္ဒြိယန္တိ? အာမန္တာ.
(ခ) န သမာဓိန္ဒြိယံ န သမာဓီတိ? အာမန္တာ.
(က) န ပညာ န ပညိန္ဒြိယန္တိ? အာမန္တာ.
(ခ) န ပညိန္ဒြိယံ န ပညာတိ? အာမန္တာ.
(က) န အနညာတညဿာမီတိ န အနညာတညဿာမီတိန္ဒြိယန္တိ? အာမန္တာ.
(ခ) န အနညာတညဿာမီတိန္ဒြိယံ န အနညာတညဿာမီတိ? အာမန္တာ.
(က) န အညံ န အညိန္ဒြိယန္တိ? အာမန္တာ.
(ခ) န အညိန္ဒြိယံ န အညန္တိ? အာမန္တာ.
(က) န အညာတာဝီ န အညာတာဝိန္ဒြိယန္တိ? အာမန္တာ.
(ခ) န အညာတာဝိန္ဒြိယံ န အညာတာဝီတိ? အာမန္တာ.